今日小弟有點忙，無乜時間諗題，所以行行地講講對大市走勢的看法。不過有跟開我個 blog 的朋友都知道我一講就… 唔中，所以請緊記要好好利用相反理論去消化小弟的觀點。

早幾天恆指在高位連見三枝十字星已顯示大市 top top 地，本來昨日上午恆指突然抽升300點我以為又是小弟看錯，不過下午就已經碌番落來，加上近來超強勢、我的「嘔血股」卡姆丹克太陽能 (0712.HK) 昨日都在升了10%後最後倒跌2%收場……

今早開市恆指又是高開後立即碌落山，收市雖然只是跌了90點，但短線我看大市已經是強弩之末，有暗湧！！

再看牛熊証分佈，超大量牛仔在 22600 – 22800 之間。你以為有個裂口頂住，就算調整都不會穿？大戶最喜歡就是穿一穿這些支持位嚇到你腳震之餘再殺Q晒班牛仔賺多筆！

BTW，今日國企收 11842.59，跌了 88.88 點。d「發」跌鬼晒… 大鑊……