今年是2017年，年頭大市還是窄幅上落時，很多人都會話1987、1997、2007年都是股災年，歷史是否會重複？逢「7」必跌？

逢「7」必跌是否代表大家就要避害股票市場，免得輸到頭崩額裂？當然不是！今年年初恆指22000點，我話你知這個水平會發生股災，講你都唔信啦！因為個市根本未升過，大家望著沉悶的市況，都無買過貨，又何來股災呢？！股災發生的前提，一定是大家炒股炒到㷫烚烚，連牛頭角順嫂都變成股票達人！上帝要你滅亡，必先令你瘋狂！

美國股市慢牛行了8年，道指反反覆覆來到20000點，都算有了股災的條件。不過，股災好少只跌一個地方，所以美國要跌，點都要等埋亞洲區的朋友。如果2017真的是股災年，那麼恆指起碼要升返上28000-30000點 — 甚至更高 (40000?!) — 才有水位大插插，咁代表甚麼？即是從年初的22000，有幾千、一萬、甚至更多的升幅！大把水位賺錢呀，老友！

你可能話，但股災一來，水淹三軍，隨時輸返個凸！無錯！不過昨天跟個朋友閒談時，他說得好有道理：如果1997年無輸死你，2007年你都仲生存到，但到2017年你仍是無吸取經驗越高越追最後撻死，咁都無乜好講啦！

望著個市一月起無乜原因之下升吓升吓，恆指就來到24000點，似乎今年可能真係有機會爆上去？！既然人人警告你逢「7」必跌，當大市去到30000點時，你就記得唔好被勝利充昏頭腦，見好就收啦！這樣子2017年隨時會是你的一個豐收年！

其實股災又有咩好怕喎！

Please come and like my Facebook Page if you find my blog interesting: https://www.facebook.com/platosay