呢個世界，真係乜都有得賭！連美國大選 Obama 定 Romney 贏都可以賭！

http://www.intrade.com/v4/markets/contract/?contractId=743474

這個「奧巴馬指數」，升得越高就代表越睇好奧巴馬可以連任，你睇淡奧巴馬的話可以沽空它。好似上個星期的總統候選人辯論戰，奧巴馬表現見下風，「奧巴馬指數」就立刻由接近80點的高位直插10點有多！我就無諗過連這一範都賭埋，所以無學如何落盤。有興趣的朋友請自己研究研究，再話我知！

唔知2017年時會否可以賭梁振英能否連任特首？啊…如果當日可以買 CY 爆冷擊敗唐唐的話，分頭應該幾和味！

另外，過去一星期當奧巴馬的優勢不斷縮窄，甚至開始有調查說羅姆尼已經反超前，美股跌足一週！我的陰謀論說，如果奧巴馬落選，伯南克會被炒魷，QE3剎停。我不論羅姆尼有什麼雄財大計，投資市場是現實和現在的 — 無水放谷起個市當然是立刻早走早著，遲走瞓唔著！投資者看風使利，見奧巴馬走弱就先沽為敬？！還有，羅姆尼擺明姿態當選的話就會衝著中國來，走大美國主意。講真，這招是兩敗俱傷。中美經濟互片之時，兩地股市，甚至環球股市又那裡會有運行？