報告王：明燈效應贏錢唔難

今天本欄推介買五礦資源（1208），該股昨收3元，升1%。推介原因是睇中孫柏文的明燈效應，本欄特此請來「金手指」孫兄分析QE3下該股形勢。
高明：你對五礦資源嘅分析，我完全同意……
孫柏文：冇錯QE就係印銀紙印到你信為止，做伯南克信徒，好似08年買樓，咪發囉！還債保守，咪輸囉！越不負責任越贏錢。
高明：對上一注獨贏星獅地產（535），至昨收市大升64%，佩服佩服……
孫柏文：如果唔係（爽組合）遊戲規則所限，我加按星獅地產再買，五礦資源都會繼續揸住，更加不負責任咁炒。
高明：點解你啲股都係放晒之後至爆上？
孫柏文：哈哈哈，下跌就係為咗測試Fans嘅信念，兼且畀時間你考慮，絕對係用心良苦，呵呵呵！
高明：基金界有一大忌，就係Front running偷步買，你啲股就冇呢個問題，因為After run會更抵買，過多兩日就好似黃老太特價咁。
孫柏文：家成日話「沒有最無恥，只有更無恥」，我貼嘅股就係「沒有最平，只有更平」，好似啲MBA課程話嘅Unique selling point咁，哈哈哈！