之前我在這個 blog 都講過，試炒匯豐 (0005.HK) 業績買 option 結果輸清光。 (see 刀仔鋸大樹，炒匯豐業績 and 在股市中「買錯胸圍戴錯bra」) 所謂「失敗乃成功之母」，我要不斷嘗試不斷進步！

終於，比我威番一次！今次炒的不是匯豐，是百麗 (1880.HK)。

先看看百麗幅股價圖，真係可以講得上是衰到無朋友！

而事實上，內地非高檔的零售股好似體育用品股、超市股、鞋履股都衰了好幾年，基本因素出問題。所以，我星期一早上看報紙時讀到百麗收市後公佈業績，而股價今個月又彈一彈上 $8.6 見阻力，就趁機會 put 一 put！剛好又是月尾，所以我揀了隻即月到期的末日 put，$8 strike。由於這一 put 應該都是不成功，便成「零」，所以我學精了，小小地玩吓算啦。

結果星期一公佈的業績基本上持平，不利好又不利淡。星期二整日隻百麗就剛剛在 $8 樓上橫行，點都不跌穿我隻 put $8 的行使價！我十五十六都不知賣還是不賣好。好在買得細，輸晒都無乜壓力，把心一橫，唔賣！

跟住就多得百麗盛主席一句「線上、線下一體化應該是個趨勢，但具體怎去做，大家仍然沒搞清楚」，又調低了銷售預測，再加上摩通大大力調低對百麗的目標價，由 $9 減到 $7，造就了今日股價大插，一開市已經是 $8，之後越跌越有，最低見 $7.63！我隻末日 put 一點雖然時間值都沒有，但正股一跌穿 $8 後，正股每跌一仙，隻 put 就升一仙。不過此一仙不同彼一仙，正股的一仙是 $0.01/$8 = 0.125%，但隻 put 的一仙可是 $0.01/$0.06 = 16.67%！！

就這樣，我終於吐氣揚眉，兩日在這隻 put 賺了5倍！哈哈哈！不過，我重申，買得好細咋。但最緊要是份成功感，爽呀！

Please come and like my Facebook Page if you find my blog interesting: https://www.facebook.com/jailbreakplato