香港股市今日唔上唔落,悶到震~~~ weekend 時跟朋友吹水,問我點睇個市。我覺得歐債問題剛過了個大關 (希臘公投一事幾可肯定不會發生),港股又於10月狂奔了4000點,點都要唞唞氣,好友淡友再部署一下。上星期說的搏1000調整可能在上星期三單日轉向由,跌300幾點倒升300幾點時已經完成,我估個市會在20000點附近徘徊。但配合著阿爺放水的消息,再向上撲的機會應該都幾大。21000是個超級阻力,我覺得如果可以去到21000唔到d就應該先減持。如果恆指真係咁好嘢可以一舉穿21000,就可以立刻 (係立刻!) 再追入,我肯定佢會頭到唔回一口氣飆1000幾百點上去,你都唔使旨意等佢回落來先買 (因為個個都會咁諗)。如果你20800點減持,21200點追番入去,是賺少了400點,但可以買一個保障。

悶市揀個股,最近心水有:
聯想 (992) – 突破 $4.3-$5.3 range trading + 52週新高 + 業績勝預期
中國人壽 (2628) – 上星期大成交 + 大陽燭突破 $21 阻力
比亞迪 (1211) – 似乎可以1年來首次站穩100天線之上,可能是轉勢先兆
中信証券 (6030) – 小圓底突破 + A股氣氛改善有望做好?

另外,上證指數情況好轉,都應該睇實。畢竟阿爺是近水,歐債是遠火。

Advertisements