一個星期不在香港，個市碌下碌下又碌到落18000點邊緣。歐債講完希臘講意大利，講完意大利就應該講西班牙，講完西班牙就會講法國（驚 downgrade from AAA）。總之就是一個可以講番三幾年的連續劇！

越來越覺得市場對歐債問題的反應會好似你拋波落地，開始時跌落去後會彈得高，之後就會越彈越低，直至個波不再彈為止。恒指由4月份接近25000點放手跌落10月時16000點，之後一彈彈到20000點樓上，現在再跌下來，之後上落的波幅大概只會越來越小，直至有全新的 catalyst 去重新洗牌再來一個新的形態。所以這一浪最好的沽空揾錢和低買搏反彈的機會已過。很可惜大市由16000點彈上時我不在香港，基本上 miss 晒最正個一段！無計，唯有叫自己不要心急，等下一個時機。

短線來說，歐洲那邊話爆唔爆，再話爆又唔爆，市場的對這舊聞的反應開始麻目。星期六聽石sir 電台節目講到如果歐債真的就爆啦，歐羅就不會好好的在1.35這水平。上次希臘講爆煲時都落到1.32啦，這次是歐元區第3大經濟體的意大利喎，是不是應該起碼穿1.3呢？所以我覺得恒指跌了1000多點後的 downside 應該比 upside 小，而且今日恆指去到18000點前見反彈，所以我已經買番一個星期無買的股票，不過上望就只有越彈越低的19000點左右。還望小弟無為大市斷錯症！！