3/19/2013
太陽能股不嬲都是炒股，每當有有補貼、無補貼的「新聞」就大炒一餐！其實大部份太陽能股在過去幾年都因為產能過盛是在蝕錢，除了隻興業太陽能 (0750.HK) 好少少，因為它是做下游安裝生意，所以它的股價勢頭在過去大半年都是最好的，節節上升，直至3月頭在＄10見頂。到現在足足插了30％有多，好像有點短線見底，RSI又見超賣，我膽粗粗在 $6.68 買少少。我唔貪心架，只望它到2月的低位 $7.85 就沽貨！

3/20/2013
嘩！我昨日買，今日就升了7％，繼續坐定定等 $7.85！

3/22/2013
好在昨日雖然震一震倉，我見成交不大無被震走！今日借補貼的「好消息」又升番10％！高見＄7.80！我已經 set 好 order $7.85 賣！

3/23/2013
今日d太陽能股又回4％、5％，真反覆！應該又是震倉

3/26/2013
昨晚出了業績，多賺13％，雖不算多，但比其他太陽能股隻隻蝕大錢好得多！但係股價都係要插！跌成10％，可能係因為其餘太陽能股又被人沽爆齊齊跌掛～～連我個買入價都穿埋啦… 唉… 睇多日有無起色…

4/2/2013
見復活節長假期前兩日低位都是 $6.20 左右，我假期時就事先定了 $6.19 做止蝕，畢竟呢d炒股都係要做點風險管理的。今日即使恆指低開，開市時隻 750 都好地地仲有得升，誰不知道 11點左右太陽能股突然全線被沽，一眨眼我隻 750 就被止蝕了… 由賺幾千蚊變到最後要倒蝕，好灰呀！

唯一欣慰的是我早早定了止蝕走了貨，因為隻 750 收市時是跌到 ＄5.96！！