蘋果電腦 (AAPL) 自從出 iPhone 5 銷情未如大家所期望般「爆」之後 (只是唔「爆」，唔係唔好)，股價由$700水平3個月內碌落$500，各大評論好似講到世界末日它快要執笠咁。

iPhone、iPad、iPad Mini 依然是每個月斷「million」般賣，AAPL 的 PE 只是區區的12.8x，加上今年新增的2%的派息率。這樣的銷情，這樣的數字，你問心覺得一年後它會是跌多 $200 到 $300，還是升 $200 重上 $70 0的機會高一點？Steve Jobs 用了10年塑造出來的「i字派」品牌，交給他一直合作的團隊繼承，該不會2年就玩完吧？如果我 $700 叫你買你可以話我冼9你，但蘋果這樣的新一代股王，無啦啦跌 25% 送個靚位你入，你不把握機會的話就算了吧！

走勢上，AAPL 剛剛在 $525 這個今年5月低位大成交做垂頭，RSI 已經進入超買賣區，加上昨晚的強力反彈已經可以算是做了個「早晨之星」的利好形態，隨時可以揾位買，之後收埋在床下底等它重振聲威！不貪的等 $700，大貪的就等 $1000！

如果 AAPL 是美國 (其實是全球) 的 IT 股王，那麼香港的 IT 股王唔駛問當然是騰訊 (0700.HK)！無獨有偶，700 公怖第3季業績後又是被一下子洗下來。又問你一句：你覺得700上$300的機會大嗎？我就覺得這只是遲早的事！

雖然 700 的 PE 無 AAPL 咁筍，但它在內地互聯網世界的壟斷程度比蘋果的 iPhone 更誇張，所以高一點 PE 都應該無問題。如果你覺得 $250 依然有d貴的話，可以等它回到去年4月$230水平才入貨。不過呢隻股王通常都無咁易可以讓你在這麼超筍價買，小弟就已經有好幾次就這樣目送它飛天！

成日話「低買高賣」好難呀！現在2隻當代股王在低位向你招手，問題是：你夠唔夠膽買？