這星期跟一位做 private banking 的朋友 Happy Hour，她說有一個客去年只是選了兩隻股票不斷的「上下其手」 — 低買高沽，做了個超過 30% return，聽完認真眼都凸埋。我平日星期六朝會聽港台的《投資新世代》，主要是捧石Sir 場。他的拍擋 Ben哥最鍾意就是教人炒 range，我聽完通常一笑置之，因為我覺得只要有一次大跌浪湧過來，之前贏的都不夠找數！

那天聽完我朋友的故事，讓我反思。

實情是，我的潛意識覺得這樣10%、20%炒不夠刺激。「買股當然是搏1倍、2倍、10倍 return！」但通常在你搏中一隻幾倍股之前，你可能有10隻搏不中仲倒蝕的股票橫屍街頭，贏埋都唔夠你之前輸落！平均每一年可以做到 20% return 是好X勁，可以將你放到巴菲特的 level。

今天的我覺得如果可以在自己的 portfolio 中，一部份做這種穩打穩紮的投資，似乎都不錯。加上這些年環球經濟情況能見度極低，長揸搏爆升真是無咁易啦。(不是無機會，只是無咁易) 當然，股票的選擇就應該要嚴緊些，不可以如 Ben哥般隻隻都話有得炒。基本要求是股票本身實力雄厚，而個 range 要夠闊— 起碼都要有10多20%先夠走位吧！最好還可以 set 到個止蝕位，就萬無一失啦！

以我平日對股票的癡戀程度，很容易就找了幾隻 candidates。之後要做的就是耐心等股票到價。即使真是唔到價買唔到，都只是賺少咗，起碼無蝕到呀！

如果你有其他 suggestion，歡迎你話我知呀！