萬洲國際配售超額 或提前截飛

全球最大豬肉食品企業萬洲（新上市編號：00288）今起招股，最多集資159億元。今次重推見充足準備，有接近交易人士指，國際配售已獲超額認購，可能提早截飛。

針對4月集資時定價較高、投行過多的兩大問題，萬洲今次相應作出調整，以每股6.2元定價發行，相對2014年市盈率11.5倍，投資者指定價更為合理；承銷行亦由29家縮減至2家，分別為摩根士丹利、中銀國際。

今起招股集159億 入場費3131

萬洲昨午舉行投資者推介會，出席率頗高。「午餐會之前國際配售已經超額了，可能周末之前就提早截飛了。」上述人士指。有對冲基金經理指，萬洲最近季度財務數據較好，且定價更好。

併入美國史密斯菲爾德後，萬洲今年首季營業額增長2.25倍至50.5億美元，淨利潤升96%至2.5億美元，惟利潤率下跌3.2個百分點至4.9%。據悉，萬洲正透過內部改制、品牌整合等方式致力提升史密斯菲爾德利潤率。

以每手500股計，萬洲入場費3,131元，今起招股至7月29日，8月5日掛牌。

另據招股書披露，貿發局主席蘇澤光不再為萬洲獨立非執行董事。據了解，蘇澤光以個人原因辭任。政府早前宣布將於明年6月起委任蘇澤光為機管局主席，任期3年。

撰文:顏茜

(http://www.hket.com/eti/article/eb56b70b-ab01-43c1-ae88-496820ca151a-671885?section=002)

上次萬州 (0288.HK) 招股做得超樣衰，又要賣舊股，估值貴過人又不肯減價，還要懶勁揾齊29間投行幫手推，結果是人多好辦事… 的翻版，大家驚無客狂搶客做壞市，結果一拍兩散上唔到市。

一個咁差的 impression，我這次見到它再招股，心裡面都第一時間有種「唔好搞我」的感覺。不過客觀看，價錢平了、估值比行家低、無賣舊股、大股東禁售期三年、不用跟其他新股爭…… 這次似乎是值得買的。而且當人人耍手擰頭之時，就是分貨分得最好的時候，貨源亦歸邊在基金手裡，他們反而願意揸長點，掛牌時的沽壓可能會低一點。如果好似 iBond 咁，點抽都是一手起，兩手止，可以賺得多少？

所以，我會視乎散戶的認購情況，決定認購多少萬州。當然，新股無往績，點到唔會瞓身落去，都是志在考考自己的逆向思維得唔得，和賺點茶錢啫！

btw，又是一年一度收政府送錢的時候！今年人人都知抽 iBond，認購三手都嫌多，唔駛我教啦？！不過，如果你真的是好x多錢又無地方放，重飛現金認購再將退款去放入那些做優惠的銀行 (例如今日報紙話申請 iBond 退款存入中銀做一年港幣定期有1.65%，但有條件請自己問清楚)，又未嘗不可。

Please come and like my Facebook Page if you find my blog interesting: https://www.facebook.com/jailbreakplato