最近股市匯市大動蕩，日圓兌美金跌穿103後急升轉眼就見95，恆指不用一個月由23500就碌穿21000，連道指都在15000樓上動輒百幾二百點上上落落！(不過 VIX 指數都仍然只是16？？)

之前有人陰謀論話伯老專登講退市講得唔清唔楚，等金股匯大上大落時，市場就會覺得都是美債安安全全好，咁今個月中的拍賣就可以安然度過。今天已經是14號，果真如此的話，這段難捱的日子應該好快過？！

上面講的幾隻指數，其實都不夠日經刺激！自從在16000點不夠見頂後，半個月狂插到12500，足足20％有多！恆指的10％波幅唔該行埋一邊！更厲害的是，日經要不是大跌5％，要不是反彈3％，單日的波幅大到呢… 早知就應該一邊買定個 OTM call，另一邊買定個 OTM put，等大波動的日子就先食糊再反手重新買過一對 OTM call 和 put，用少少錢食盡兩邊波幅，今年睇怕都可以收工！

當然，我現在馬後砲講就容易。我真是如此 trade 咗的話今天就應該是身處馬爾代夫一間豪華的海邊套房打這篇 blog，轉個頭就在窗邊直接跳落水享受太陽與海灘啦！