前晚聽到內地減 RRR 50點子的消息立即為之振奮！心諗今日可以衝一衝上去。我當然無咁天真以為它又會一下子升1000點，但在大敵當前時 (21700的裂口頂部)，有阿爺打打氣是一件好事！

開市開係21700水平跟我的預期差不多，內銀內房強勢亦是預算之中。我心中的劇本是今晚美國無市，所以會跟著A股走。誰不知開市無耐就一直往下走，下午時更倒跌！睇到我鬼死咁谷氣！

今日高位一支大陰燭係樣衰架啦，不過我會睇埋明天的走勢。因為這一浪升上來都未試過連續兩支大陰燭，所以今日仍可能是獲利盤或者震倉。如果明天喘定就可以再等一等，但如果明天是另一支大陰燭就真的應該避一避風頭！

不過值得安慰的是內銀內房這些今天應該強勢的股份都無跟隨大市大幅回落，我相信 / 希望這是一個好兆頭！