CSL推5GB 數碼通局跟 電訊商博弈 無限上網話撤唔撤

【明報專訊】數碼通（0315）月初宣布，原於昨日一刀切，取消手機無限上網計劃，總裁黎大鈞更表明要封「蝕本門」，令市場一度以為無限上網的時代將告終。然而昨日早上，CSL出人意表宣布，會維持5GB無限上網計劃後，和記香港（0215）傍晚亦公布會繼續提供。數碼通面對主要對手的出招，即使要背負「彈弓手」之名，也立即變陣恢復5GB無限上網。

(http://hk.news.yahoo.com/csl%E6%8E%A85gb-%E6%95%B8%E7%A2%BC%E9%80%9A%E5%B1%80%E8%B7%9F-%E9%9B%BB%E8%A8%8A%E5%95%86%E5%8D%9A%E5%BC%88-%E7%84%A1%E9%99%90%E4%B8%8A%E7%B6%B2%E8%A9%B1%E6%92%A4%E5%94%94%E6%92%A4-013503130.html)

我之前見 Smartone 取消無限上網這樣子曲線加價，是一個重要「拐點」，會大大增加公司的盈利，得到市場的 re-value；加上 Smartone 的網絡出名好，隻股票股息又有4厘多，所以即使它消息公佈後飆升到$15，我待它整固後便出手加貨！(我之前已 accumulate 了一點)

雖然有顧客話 Smartone 沒有無限上網就轉台啦，但我心諗你們這班電訊商仲唔趁機全部曲線加價？2月13日前肯定大家齊齊 join the party，所以對顧客轉台我毫不擔心。點知 3 和 CSL 竟然突然良心發現：唔跟！搞到 Smartone 要彈弓手！(乜反壟斷法實施咗啦咩？點解佢地竟然咁有良心？！) 話說回來，現在的香港人好似覺得乜都係老逢咁，電話3G上網用幾多俾幾多有什麼問題？你用電費、水費何嘗不是這樣用者自負？點解一定要有無限上網？只要「有限」上網訂價公道就可以啦！

講番我隻 315，好彩過去這星期大市做得不錯，它升下升下到了 $16.xx。我昨日一開市 auction time 就立刻急急腳將新買的貨走人，都賣到 $15.48。正式開市後它就立即向下打爆$15，總算執番身彩！

唔好誤會，我仍然覺得 315 是隻好股票，但之前大升上來的誘因消失了之後，就不值得在這個水平去搏了。等它回調先諗啦！