17 Thursday Jan 2013
Posted in January 2013
如果你是一名非常專心工作的打工仔，每日在辦公室時只會 check 公司的 email，不會得閒上陣 facebook，又得閒 check 吓 whatsapp，再得閒睇吓股票，你應該覺得過去一兩個星期大市升得慢跌得慢，無乜特別。
不過如果你好似我好關心個市的話，就可能睇得好肉緊。望住個市日日上衝 23500 不成，向下又跌不穿 23200，等來等去都等不見下一鋪大茶飯究竟是買上還是買落？！手上揸的貨應該趁高沽還是趁低再加？個市都唔知係咪揾咗林峯做代言人 — 得個chok字！
唯有聽住隻《Chok》等吓啦！
16 Wednesday Jan 2013
Posted in January 2013
貓貓拋玩具鼠揀股，竟然贏到三位基金經理，盲拳果然打死老師傅，亦令人進一步懷疑，政府話可以用來養老嘅MPF係咪所托非人！
英國《觀察家報》舊年搞咗個鬼馬投資比賽，形式有啲似《300萬爽組合》，三位基金經理、一班中學生同埋家貓Orlando分成三組作賽，每組有6.2萬（5000英鎊）做本，規定喺富時指數裏面揀5隻股，每季可以換馬一次。
基金經理組梗係用投資經驗、傳統揀股方法做投資，貓貓Orlando就用佢心愛嘅玩具鼠，掟去一張印有唔同股票冧巴嘅格仔紙來揀股。
截至舊年9月底，都係由基金經理組以一成領先，貓貓贏6%，奇妙嘅事情發生喺第四季。
基金經理組可能諗住贏開，第四季唔換馬，點知其中兩隻股突然跌近兩成，拉低成個投資組合嘅表現，埋單只贏3.5%。相反，貓貓換走一隻輸錢嘅投資信託，成個組合喺第四季發力升，埋單贏10.8%。學生組就輸錢包尾。
呢個比賽結果對股民應該好有啟發性，原來「亂來」都係一個投資策略，基本分析、圖表分析都可以行埋一邊，提出random walk hypothesis嘅經濟學家Burton Malkiel先至係股神，佢老早就話股價走勢相當隨意，因而令到股市難測。
其實講到明係股市，梗係要「估」㗎啦。
李華華
(http://hk.apple.nextmedia.com/financeestate/art/20130116/18135441)
買股票的貓
一隻貓打低基金經理！多麼好的綽頭！
不過，只是用一次的結果就斷定基金經理無料到，他們投資的成績有如隨意揀似乎就有點武斷。還記得當年世界盃的「神物」八爪魚保羅嗎？難道大家會覺得因為它連中不知七次定八次比賽成績而認定它真的是預言家？！
其中一樣基金經理會而貓咪不會的就是從錯誤中學習。我認為個投資比拼應該搞它十年八年，然後才對基金經理作下定論，會比較公平點。
報導的原文如下：
http://www.guardian.co.uk/money/2013/jan/13/investments-stock-picking
15 Tuesday Jan 2013
Posted in January 2013
「在2013年我們將會繼續做到最好，
晴天陰天雨天都守候在您旁邊！」
以上呢句嘢唔係出自CY首份施政報告，而係一間外資證券行嘅地產分析員用嚟拉票嘅電郵內容。財經刊物《Institutional Investor》今個月搞最佳分析員投票，各行分析員出盡法寶，提醒班基金經理投佢哋一票。
《II》每年年頭都搞最佳分析員投票，喺每個國家、行業搵出最佳分析員，舊年喺亞洲區美銀美林最多分析員攞第一，銀行、消費、基建、保險等都係佢哋嘅分析員排第一。
雖然排第一未必即刻升職加薪，但起碼可以加分，近年投行裁員之聲此起彼落，排名高啲點都可以易啲保住份工。好多buy-side朋友最近收到分析員嘅拉票電郵，主要講番舊年叫過人買乜股，搞過幾多場管理層午餐會呀咁，同議員拉票情況差不多，差在未拉banner話「成功推介乜乜股」！
文首引述嗰間證券行嘅分析員咪落足感情去拉票囉，除咗話常伴左右，仲有「人間有情，請您伸出同情之手幫助我們」，唔知以為係籌款！唔止呢間，一間美資行嘅分析員亦寫得好白，佢話：
「每一票有助我哋喺投行裁員風暴中，遮風擋雨。」
由此可見，呢個排名榜對佢哋保住份工有幾重要。聽buy-side朋友講，佢哋未必投票畀扑中最多股票嘅分析員，事關成年咁長，佢哋叫買嘅股票總有升嘅時候，唔作得準；佢哋反而欣賞嗰啲平日要搵資料時，即刻幫到手嘅分析員。咁又係，容易搵、講嘢靠譜嘅股評人都寧舍受傳媒歡迎啦。
李華華
(http://hk.apple.nextmedia.com/financeestate/art/20130114/18133093)
其實做過投行的都知道，每年各位分析員面對《II》的分析員投票，都是如臨大敵，一票都不能少！當我還在賤兔和野豬之時，就算我們這些平日都不是靠賣 research 的 sales，都會收到電郵轟炸要我們叫客戶「投票！投票！投票！」
Research 其實是投行中的「悲劇人物」，雖然前線的 sales 的而且確是要靠銀行的 research 去 sell 客，但真正賺錢的是這班 sales 不是 research，所以人家 sales 冧掂客仔做成生意並不會老逢將功勞與你一起分享。Research 雖然是投行運作的重要部份之一，但是被視為一個「不會賺錢」的部門。
「咁又如何？！」
即是當大家賺到錢時就風平浪靜，但在現在這些大風大雨的時候，投行要炒的第一個當然是炒那些「不會賺錢」的部門！所以各位分析員最能揸手去保住飯碗的籌碼就是這個《II》所的頒的名銜！仲唔爭到頭崩額裂咩！
不過，咁肉麻的拉票方法我就真係未見過！ =P
話時話，唔知投行可唔可以向民建聯學配票多拿幾個名銜？！哈哈！
14 Monday Jan 2013
Posted in January 2013
Tags
0494.HK, volatility, 利豐, 引伸波幅
【本報訊】2012年美國經濟增長雖勝預期，但以美國市場為主的利豐（494）卻發出上市21年以來首次盈警！集團昨公佈，2012年全年核心經營溢利將下降約40%，主因是為重組旗下美國業務作額外開支及撥備，成為繼思捷（330）後，近一個月內第二家發盈警的藍籌股。 記者：石永樂
兩個月前，利豐行政總裁樂裕民才表明「下半年盈利一定會好過上半年，按年會有增長。」但昨突然公佈，經營美國業務的LF USA業務，仍在進行重組，包括在美國分銷的品牌數量減少，而導致對公司毛利產生負面影響，雖然公司致力調整下半年業績，但核心經營溢利未有所改善，預期按年將下降約40%。
以利豐2011年的核心經營溢利8.82億（美元．下同）計算，去年其核心經營溢利約為5.29億元。集團去年公佈中期核心經營溢利為2.21億元，即下半年盈利約為3.08億元，較上半年增長近40%。利豐強調，除LF USA，其他業務的表現符合預期，並會專注改善三年計劃最後一年的業務表現，同時預計2012年全年溢利應不可超過2011年的6.81億元。
有外資分析員指「完全無諗過」利豐會發盈警。他說︰「之前佢哋（利豐管理層）喺投資者會議都唔係咁講，只係叫我哋唔好咁樂觀，同埋話舊年下半年仲有一定金額嘅重組開支，我get到嘅message唔係要發盈警囉……倒退都預咗，但真係無諗過會搞到發盈警咁誇張。」他相信，利豐股價在下周一將面對沽壓。
一長線基金的基金經理對利豐突發盈警感到驚訝。他說︰「利豐以前年年都有增長，唔知點解近年會搞成咁，仲衰到要發盈警……今年全球經濟環境仍未許樂觀，我估利豐有可能會借機再做一次大規模業務重整，唔排除要裁員，等復甦時條數可以再靚啲，嚟個大翻身，但相信仲要一啲時間。」
利豐昨跌1.7%，至今年新低的13.88港元，為連續第四個交易日下跌，而近兩個交易日的成交量，亦較之前明顯增加，利豐昨日沽空率為10.8%，沽空額增至3487萬港元，成交量2310萬股，較周三急增63%。
另外，利豐昨指，范明禮已獲委任為LF USA之新總裁以接替Richard Nixon Darling；范明禮負責管理LF USA所有日常營運。而Darling則擔任利豐的非營運職責。公司同時預期，將在2013年順利完成LF USA之重組項目，包括減少在美國分銷的品牌數量。
•高層變動
•中國生產成本上漲
•美國經濟增長緩慢
•更新第二大客戶沃爾瑪採購協議，市場更有傳沃爾瑪已取消部份利豐的供貨定單
•集團20%業務屬歐洲地區，歐元貶值對業務有負面影響
(http://hk.apple.nextmedia.com/financeestate/art/20130112/18131311)
雖然利豐發盈警，今日開市就裂口 $11.76 低開，但我心裡面其實是有點兒興趣搏反彈，因為見幅圖低開個位非常接近去年9月和10月時的雙底，所以風險雖大但事實上好容易定止蝕位望住來打：只要一穿 $11.46 這個52週低位就撤退，3% downside，ok啦！
講明「搏」反彈，我當然不想放幾皮嘢落去咁勇，最好就可以刀仔鋸大樹！大大隻大藍籌自然就想到買 call 輪。
不過，一望d輪的報價就知「制唔過」！隨便拿今天成交最多的 20153 看看，列出的實際
槓桿是4倍多，以今天利豐跌了15%計，理論上這隻 20153 今日應該要跌60%以上，但它收市只是跌了42%。跌少了整整20%？既然大家都認為輪商都是「食人唔lur骨」，又何解會跌少了咁著數？
原因是：引伸波幅 (volatility)。
當一隻股票暴跌時，引伸波幅通常會在恐慌之中大升。不論是 call 還是 put，引伸波幅升時它的價值都是會升。所以雖然這隻 20153 理論上是要跌60%，但因為引伸波幅升了，所以抵銷了部份跌幅，就跌少了。算是對不幸上了賊船的散戶們的一個小小慰藉啦！
但話說兩頭，恐慌這傢伙，通常來得快去得快，當大家驚完幾日，世界有回復平靜之時，那些引伸波幅又會隨之回落。輪商不是開善堂，當然會如實地將「成本」轉嫁給「消費者」— 老散，這就會出現大家成日係唔係都鬧的「點解隻正股明明升咗但我隻call跌？！」如果今天我買了這隻 20153，我未必是低撈了隻利豐 (可能會再跌！)，但肯定是高追了它的 volatility！
其次，諗深一層，隻利豐短期就算唔再跌都應該無乜運行，買隻 call 唔輸引伸波幅都有排輸時間值！所以如果你對隻494真的咁有信心，買正股啦！
11 Friday Jan 2013
Posted in January 2013
今日小弟有點忙，無乜時間諗題，所以行行地講講對大市走勢的看法。不過有跟開我個 blog 的朋友都知道我一講就… 唔中，所以請緊記要好好利用相反理論去消化小弟的觀點。
早幾天恆指在高位連見三枝十字星已顯示大市 top top 地，本來昨日上午恆指突然抽升300點我以為又是小弟看錯，不過下午就已經碌番落來，加上近來超強勢、我的「嘔血股」卡姆丹克太陽能 (0712.HK) 昨日都在升了10%後最後倒跌2%收場……
今早開市恆指又是高開後立即碌落山，收市雖然只是跌了90點，但短線我看大市已經是強弩之末，有暗湧！！
再看牛熊証分佈，超大量牛仔在 22600 – 22800 之間。你以為有個裂口頂住，就算調整都不會穿？大戶最喜歡就是穿一穿這些支持位嚇到你腳震之餘再殺Q晒班牛仔賺多筆！
BTW，今日國企收 11842.59，跌了 88.88 點。d「發」跌鬼晒… 大鑊……
10 Thursday Jan 2013
Posted in January 2013
自從A股從「1949」的建國底大幅反彈，相信各位有揸股票的朋友近來都鬆動咗多咗錢駛！小弟當然都盡全力入市享受這段美好時刻！2013年「牛咁眼(目及)實股」當中，除了早已經上了車的公路股和體育用品股外，思捷 (0330.HK)、騰訊 (0700.HK) 貨已入，連雨潤 (1068.HK) 都早兩日升破$6.4的上行關口追入，現在我坐定定等它「飛升」國際！唯一是架比亞迪 (1211.HK) 電動車轟轟聲開行 turbo，追唔到。
話說小弟12月時見到隻卡姆丹克太陽能 (0712.HK) 升穿 $1.25 的小圓底阻力位兼補回4月時的裂口，見突破就買入啦。
好好彩買入無幾耐就有股神巴菲特在太平洋的另一邊買太陽能項目，還要是 712 的主要客仔，隻股立刻升到巴巴聲！我見短短幾日就升了成20%，就在之前定落的目標價 $1.66 賣，賺到快錢應該 happy 啦……
點知3日後的今天它曾高高在 $2.15 跟我揮手！嘔血！！！
即係咁，我唔係賺到錢都唔開心，只是現在是嘔住血開心啫！…… -_______-“
09 Wednesday Jan 2013
Posted in January 2013
日圓反彈僅虛火 部署再開淡倉
安倍晉三上場後，推出大規模財政刺激措施，一時之間圓匯成了市場炒作焦點。日圓上周兌美元一度跌至近2年半的低位，不過技術指標顯示日圓超賣程度亦創10多年來最高，加上沽盤平倉，令圓匯稍見回升。分析認為，美元兌日圓只會有短期技術性調整，圓匯年內走勢偏淡，且要特別留意日本當地經濟的系統性風險。
分析認為，美元兌日圓只會有短期技術性調整，圓匯年內走勢偏淡 (法新社資料圖片)
夾淡倉 料僅虛火
日本媒體報導政府將宣布約12萬億日圓(1360億美元)財政刺激措施，日圓兌美元曾見88.41日圓兌1美元，創2010年7月以來最低。不過昨日即見日圓回升近100點，至87.41左右。
日圓現時明顯出現夾淡倉的情況。事實上，美元兌日圓的88低位曾在08年12月及09年12月出現，之後便見回升，新鴻基外匯策略師任曉平認為，88的位置會有阻力不出奇。他直言技術上，圓匯會出現反彈，但回升之勢只是虛火，按圖分析反彈位料在84.85作結。
他不諱言，從基本面來看日本的系統性風險愈來愈大，令日圓難以再如去年持續強勢下去。首先是日本的資產負債已現不抵債，債務危機一觸即發。2011年日本政府淨債務佔GDP的規模已高達127.6%，與希臘不相伯仲。但為了支付利息支出，日本卻不等不繼續發債，幸好日本的國債主要由當地企業及國民持有，才不致「爆煲」。
不過，現時情況盟始出現變數，日本企業的盈利每況愈下，海外投資失利，它們所交的稅項難以再支撐日本政府，亦可能要出售資產套現，當中自然包括日本國債。任氏指，國際貨幣基金已經警告過日本政府其債務可能出現危機，而日本央行亦曾指示金融機構多買短債，反映日本央行自已亦對債務危機心怯。
任氏續指，現時市場一面倒看淡日圓，淡倉湧現，但亦不宜全數拆走好倉，可以減持，再待回升之短暫時光獲利。他認為今年日圓貶值無可避免，但日本政府會在壓低日圓的同時，控制其下跌速度，以免出現輸入性通脹，及債券大幅貶值。
敦沛金融環球產品服務部業務總監周燕珊指，日圓由82兌1美元急跌至88.4，明顯出現嚴重超賣，因此會出現技術上的調整其實十分合理，加上市場又借高風險資產回調而買入日圓，以致日圓輕微向上。整體而言她表示今年仍是看淡日圓。
周氏分析指，日圓由82跌至88.4之間共640點只在一周左右的時間完成，速度其實頗快，按照黃金回吐比例的40%計算，日圓回升至86是第一個技術位，如何仍然上升也最多只在85左右便會無力再上。
85至86區間可部署沽盤
她指，安倍晉三壓日圓的決心明顯，月中日本央行將會開會屆時定必繼續量寬，甚至更進取地「放水」，而當日本央行總裁白川方明4月離任後，的繼任人料會取更積極的方式去壓低圓匯。因此她認為在85至86的區間可部署沽盤。至於套利活動方面，周氏表示，明見特別明顯，因其他貨幣如澳元等的升幅仍未吸引。
撰文: 王錦霞
(http://www.etnet.com.hk/www/tc/news/topic_news_detail.php?category=special&newsid=487)
今年投資界其中一個有如「你阿媽係女人」咁肯定的睇法是 — 日圓 (Yen) 會大跌，對美金睇它跌到 100 的大有人在。原因：新日睽安倍晉三講明要學美國做 QE Infinity，搞不起日本的經濟誓不休！
人人睇好，又搞到我反高潮地有點兒擔心，雖然我心底裡都睇 Yen 要跌。
其實，日本印銀紙印了無20年都有15年，點解 Yen 是只升不跌？我仍在懷緬 1998 年會考後用 ＄5.x 的價錢換 Yen 紙呢！等了足足15年，這兩個月它大插了都還是要對 ＄9 港紙！
Yen 的問題是日本是細佬美國是大佬，細佬要睇大佬頭做人。1985年被美國佬冼了一鑊，簽了 Plaza Accord 之後，搞到 Yen 紙狂升了20多年，日本經濟就頹足20多年，但今時今日，日本都是要黐埋美國佬身邊。諗真d日本和美國應該不是大細佬大佬的關係 — 日本更似那些被美國佬老公次次又呃又氹又搶晒d錢都仍然死心塌地的女人噢！
所以，究竟 Yen 可不可以如願貶值，我覺得講到尾都是要睇美國頭。
不過，如果 Yen 真是如大家所願大跌一年，低殘了20年的日本股市就可能有生機！而事實上自從11月安倍十拿九穩會當首相開始，日經指數已經由 9000 點樓下爆升了20％到今天的 10500 了！我自己無日本股票戶口，亦費時煩去專登開一個，所以選擇買在美國上市的 MSCI Japan 的ETF (EWJ)，不過升勢好似無日經咁激，可能因為它是美金計價，而 Yen 同時間跌得多吧！另外上次有朋友話可以買隻 Toyota，它是一個幾好的日經 proxy。也有在美國上市，代號 TM。
08 Tuesday Jan 2013
Posted in January 2013
瑞銀（UBS）因操控倫敦銀行同業拆息（Libor），須向多國監管機構合共支付15億美元（約117億港元）和解費，或令今季業績呈虧損。今年以來，被揭發的歐洲大型銀行違規行為不絕於耳，分析料會陸續有來。
瑞銀聲明指，須向美國商品期貨交易委員會（CFTC）和美國司法部共付12億美元罰款，另向英國金融服務局（FSA）繳付1.6億英鎊及瑞士金融市場監管局（FINMA）5,900萬瑞郎罰款，三者合計15億美元，罰額遠高於巴克萊的賠款2.9億英鎊。分析預計，瑞銀因為此項罰款，今年業績料虧損11億美元。
意判4銀行 向政府不當銷售
據摩根士丹利估計，銀行業界須就操控Libor至少被罰87億美元。彭博社數據顯示，以罰款逾500萬美元的案數計，歐洲其中9家大行今年已被罰至少13次，罰款合共至少61億美元，料佔這些銀行今年盈利240億美元的四分一。
9家大行為滙豐、瑞銀、渣打、ING、巴克萊、瑞信、蘇格蘭皇家銀行、萊斯及德銀。違規行為包括協助洗黑錢、員工違法交易、沒理會伊朗禁運制裁，及與美國樓宇按揭有關的活動。
此外，意大利法院作出標誌性裁決，裁定德銀、瑞銀、摩通及Depfa Bank 4家海外銀行向米蘭市政府不當銷售衍生產品，嚴重欺詐行為罪成。德銀強調沒有犯下不當行為，會提出上訴。
法院稍後將宣判刑罰；檢控官早前要求判處涉案的9名銀行家監禁12個月。意央行指，當地數百個地方政府因衍生產品等複雜的金融交易損失近40億歐元。
撰文:茹志泉
(http://www.hket.com/eti/article/e4ff69a1-b771-4e89-bbe6-44d2534e6ad1-047866?section=001)
美國銀行宣布，與房利美就房貸回購訴訟達成協議，涉及金額超過100億美元。
根據協議，美國銀行將支付房利美36億美元，以67.5億美元回購在2000年1月至2008年12月31日期間售出的可能存在問題的3萬股房屋抵押貸款，以了結抵押貸款索賠。美銀預期，第四季稅前收入會減少27億美元，但仍然會有盈利。
據悉，這些問題貸款主要由美國全國金融公司發放。在金融危機爆發之前，2008年7月，美國銀行收購了正處於困境的全國金融公司，該公司是美國最大商業抵押貸款機構，以批准高風險貸款而著稱。
美國銀行當年出售給房利美的住宅抵押貸款還有約3000億美元的本金尚未償還。此外，美國銀行還同意向其它機構出售價值高達3060億美元的房貸服務業務。
房利美是最大一家美國政府贊助企業。主要業務是在房屋抵押貸款二級市場中收購貸款，通過向投資者發行機構債券或證券化的抵押債券，以較低成本集資，賺取利差。2008年9月，瀕臨破產的房利美被美國政府接管。
07 Monday Jan 2013
Posted in January 2013
玩咗一年嘅「300萬爽組合」，最終由《蘋果》及《爽報》老總沙膽虹勝出，喺老闆肥佬黎手上贏到43萬。老總打算將五至六成獎金拎出來，其中10萬捐去「蘋果日報慈善基金」，2萬捐畀壹傳媒工會，剩低嘅就會跟《蘋果》同《爽報》同事分享。
沙膽虹個倉，好貫徹佢話「紀律比揀股重要」呢個原則，主要揸住瑞房（272）、壹傳媒（282）幾隻股，甚少買來賣去。但2013年「爽組合」有新玩法，每月埋單玩淘汰，可能要炒番轉有爆升潛力嘅細價股或窩輪先有勝算。
偏偏沙膽虹話細價股唔係佢專長，今年揀股以大路為原則，投資策略都係因時制宜，舊年買開嘅股份，有一、兩隻今年會繼續買。睇到呢度，大家心裏面應該問緊：咁即係點呀？有乜投資心得呀？答案係冇，沙生話投資全靠運氣！
首次落場、高登仔至like嘅大師沈振盈，開宗明義要挑戰沙膽虹，佢已經諗好投資策略，打算用盡一成資金限額買輪證，用來食糊，其餘資金就買中資同藍籌股。藍籌股作為倉底，佢揀平保（2318）、港交所（388）同中移動（941）。
細價股專家周顯雖然狂鬧每月計數呢個玩法違反股票常識，認為至少要睇半年表現先合理，但佢為咗贏錢都要玩埋一份。
周顯精於投資有爆升潛力嘅細價股，照計好有優勢，點知佢話細價股交投疏落，靜靜雞收集就易，喺報紙開晒名話買，散戶搶埋一份，根本好難買到，實際操作困難。
所以呢，周顯玩「爽組合」係買大路嘢為主，預告呢個星期先買10萬股新濠（200），成個倉唔多過5隻股票，費事睇咁多隻股票咁煩，亦唔炒輪證。
新年伊始，預祝九位參賽者旗開得勝！
李華華
(http://hk.apple.nextmedia.com/financeestate/art/20130102/18120220)
睇 iMoney 個個星期排哪個財演上星期的推介升得最多，現在這個「爽組合」遊戲又定下月月淘汰參賽者的規例。就是這些傳媒鼓吹這些超短視的投資心態，令香港散戶們買股只求3、5%就走人，跟你買贏幾多粒糖都唔夠一個浪冚埋來時輸啦！
04 Friday Jan 2013
Posted in January 2013
Tags
0191.HK, 0330.HK, 0488.HK, 0571.HK, 0700.HK, 1068.HK, 1125.HK, 1211.HK, 雨潤食品, 騰訊, 豐德麗, 麗豐控股, 麗新發展, 麗新系, 麗新國際, 思捷, 比亞迪
回顧完2012年，要輸要贏的都已經發生，當然要展望將來，看看2013年有什麼股可以買。以下是小弟愚見，供大家參考參考，共勉之！
一、二、三、公路股、體育用品股、內地電力股
原因11月之時已經在「2013有得諗的股票」講過，不贅。唯一想補充的是李寧 (2331.HK) 最近的股價勢頭好像比特步 (1368.HK) 好，而且隻非凡中國 (8031.HK) 似乎搞不定那個運動城計劃，可能 2331 會返回正途。
股價方面，全部都已經跟從大市升了10多20%。體育用品股屬 high beta，所以講緊的 upside 當然不止是20%；不過公路股和電力股都算是公用股，平日走得比較慢，所以當它們已經升了20%之時，請自己諗諗值不值得追。
風險：
公路股：中
體育用品股：高
內地電力股：低
四、騰訊 (0700.HK)
在內地網絡世界中唯我獨尊的騰訊，加上無比的抄襲能力，一眨眼已經將「微博」抄成「騰訊微博」、將「whatsapp」抄成「WeChat 微信」，仲慘在它抄完人之後比人家做得更好！！所以我相信它在2013年仍會是屹立不倒，它可能不再是一年升你一倍的股票，但是2013年升它20%到$300應該絕對無難度！最難得的是它現在在$250邊任你掃！
風險：低 – 中
五、思捷 (0330.HK)
這亦是一隻最近講了幾次的股票。(「買思捷，要快手！」、「思捷多發幾個盈警吧！」、「邢李……」) 相信它的品牌價值仍在，2013年的劇本是：一是反底彈上去、一是有心人炒上去、一是有其他品牌收購它。$8的供股價應該是鐵底，擔心的話耐心等等有無機會$10樓下買，到時候 downside 只是20%。
目標價我抄周顯大師：$20。
風險：中 – 高
六、比亞迪 (1211.HK)
其實這架電動車我是遲了3個月推，我自己都錯過了！
話說去年9月時里昂有條茂利出報告，話比亞迪的目標價是 $0.41。點解我話他茂利？因為如果比亞迪真的如他所料插落去，未到 $0.41 之前已經會停牌宣怖關門大吉。如果比亞迪無問題的話，當然不會跌落去啦！所以不論他的論點對與錯，隻 1211 都無可能會跌落 $0.41！
Anywayz，通常這些超極端的言論或事情出現時，代表已經是「物極」，可等待「必反」。例子有2007年瑞信另一茂利給神華 (1088.HK) $101 目標價後，當月就在$57.95見頂；匯豐 (0005.HK) 2009年被人在「勁假時段」嘜價嘜落 $33，大家當時見到面如死灰的O晒嘴，有人甚至在電視節目中流淚，事後看原來就是個底。所以，這次 $0.41 事件很可能是比亞迪見底的先兆！可惜我後知後覺才領悟到這個真諦，9月時 $15 無買，現在已經是 $22！！
不過，它是3年內由$80多元跌下來，反彈的 upside 應該不少，水位應該是還有的…
風險：中 – 高 (因為已經升了)
七、雨潤食品 (1068.HK)
內地賣豬肉的龍頭，應該是好股票。可惜老闆祝生喜歡搞搞震，內地食品又時不時出問題。股價 $30 跌下來，夠殘的了；成交不錯之下在$4.8 -$6.4 打了底四、五個月，有心人在收乾貨？！一穿 $6.4 徘徊區頂可能就可以一飛衝天去！
風險：高
八、麗新系 (0191.HK、0488.HK、0571.HK、1125.HK)
香港典型的無管治老牌家族生意，所以整個系列的股價都長期超級折讓，隻隻股價都只得一蚊幾毫，都幾樣衰。不過，10月尾時大老闆林生肯放權給曾在嘉里 (0683.HK) 及領匯 (0823.HK) 等地產公司工作兼評價甚高的周福安做主席，很有機會可以協助麗新系釋放價值。
事實上，4隻麗新系在過去2個月已經跟隨大市升了不少，但仍然有60%-80%的折讓。
風險：中 – 高 (因為已經升了)
Plato @ Investment 