故事重溫：投行炒人故事的另一面：鬥快舉手等起身 (https://investplato.wordpress.com/2012/01/20/投行炒人故事的另一面/)

超級肥雞餐，夫復何求！

中環在線：三星肥雞餐　賠足兩年

呢排香港證券界持續刮起寒風，一時美資大行裁 100人，第二日歐資大行又炒 200人，搞到市場風聲鶴淚，人心惶惶。不過，華華聽到上個禮拜啱啱收到大信封嘅香港三星證券員工，個心一啲都唔寒喎，皆因收到差唔多等於 2年人工嘅超肥雞賠償！
有老友記同華華講，上個禮拜決定結束香港證券交易業務嘅韓資三星證券，每個員工平均都賠成 1至 2年人工㗎，有啲仲筍到賠多過 2年㖭。老友記話，賠咁多係因為三星 09年入香港嗰陣，大家對佢無乜信心，所以寫明要包 3年人工，先賠到咁多咋。
喺美資投行打工嘅老友記話，好多證券行裁員都係跟勞工法例賠㗎咋，即炒咪俾多一個月囉，試過有歐資行衰到將個部門結束，連額外要俾嗰一個月都慳番。老友記好認真咁話，佢都想老闆即刻炒佢，然後賠兩年人工，玩番 1年半載，等歐豬搞掂哂啲債先再戰江湖。
點都好啦，原本喺香港有超過 130名員工嘅三星，上個禮拜裁咗超過 84%嘅香港員工，令香港財金界傳聞累計裁減嘅員工總數增至逾 600名，華華希望唔會再增加啦！

(http://hk.apple.nextmedia.com/template/apple/art_main.php?iss_id=20120206&sec_id=15307&subsec_id=15320&art_id=16044816&cat_id=6271925&coln_id=6339612)

對於昨日港股回調，大部份我讀到的意見都是「這只是上破21000點前的小回調，恆指破關指日可待！」咁我就有d驚… 雖然我見到過去一個月長升長有的大市都好亢奮，但人人話好時就很可能是反高潮之時！

我只是一個很水皮的投資者，所以你會見我早兩日才說個市向上跑，昨日已經話見頂。渣呀嘛，無辦法啦，唯有以「靈活」補救啦！現階段我抱著戰戰兢兢的心情，等待以下其中一件事情發生再 react：

1) 假設大市之後會繼續向好，現在趁機 shortlist 一些已破位又覺得基本因素良好的股票，等它們這一浪回調下來到支持位時買入；
2) 大市如大家所預期小回後大舉上穿21000，追貨；
3) 大市回回下跌穿埋202xx的小雙頂的話，我就撬埋雙手等個市跌定再算。

大家記住，股票上上落落有自己的 pattern 和 momentum，不要嘗試用市場上有無好壞消息去估，因為大多數時間這些都只是事後孔明式的解釋。

雖然美股昨晚受1月非農業新增職位遠優預期的消息刺激，道指大升156點，港股很大可能星期一開市即升穿 21000，但小心高位回吐。賺錢的股票應該之前一早買落，如果你今天才發覺你身無分「股」，咁 sorry 啦，你已經 miss the rally，唯有自我反省，下次把握好一點，但千祈千祈唔好現在唔忿氣高追啦！重重暗湧在上頭：

1) 超大量回收價在 21200 之前的熊證，星期一勢必乘勢全宰！但之後呢？高潮過後小心散水！尤其是如果星期一見超大成交，例如1000億樓上，就更大可能會先散一散水！

2) 去年8月形成 21000 – 21700 的超大裂口不要小看，我覺得即使要衝破都未必一下就得；

3) 現在突然似太平盛勢，歐洲美國印銀紙就一天都光晒！市場上樂觀情緒泛濫，小心突然被人插一刀！

4) 我之前讀過一些風水講法，逢大節氣就很可能是轉勢之時。今日是立春，個節氣夠大啦啩？！信不信由你！

我不是說大市又要跌番落 18000，我只是覺得現在快到回氣之時，等大市回氣一千幾百點後再慢慢在已突破股票中揀幾隻筍嘢似乎是更明智！我自己星期一就會適量減持部份。係部份，唔係全部，衡量風險之餘，升市莫估頂！

今日大市跟隨外圍升勢裂口高開後再做一支像樣的陽燭，突破了上星期五的高位，成交亦比昨天多，大市勢必再向上闖。早兩日我朋友問我點睇我說跌穿202xx的雙頂代表升完，升穿星期五高位206xx代表會繼續向上。他笑說我這 comment 跟財演講有什麼分別？

其實我們看圖表，無可能任何時刻你都可以從中看到啟示，你估係神咩？最重要是當你什麼都看不到時，不要硬要找一個方向來，有時候就是要等待…和等待… 像剛過去的3天我們這些散戶根本不可能知道大市是已經升完還是正在「小回」，所以我們要做的就是等下一個提示 — 今日終於有了！

正如星期一所講，縱使市場的反覆給我很大的誘惑去落車，但最終我決定去等。我，這三天從來沒有離開過，你呢？