今年7月底大市在二萬二關樓下浮沉之際，曹sir曾估計大市可上望23900水平，惟目前港股今年三度在23500關口受阻、加上個別板塊瘋炒現象出現，他昨表示「有啲擔心」，「通常個市到尾聲，啲股就會亂炒一通，但𠵱家係咪尾聲，我未有答案，不過三中全會之前，大家不妨癲落去」。他強調，對大市的目標仍然未變，只是對走勢開始模糊，「我唔知個頂係邊，應該仲搵緊，但如果三中全會有乜冬瓜豆腐唔好怨，市冧之前，通常都冇人響鐘」。

若投資少　每月可減持10%

曹sir昨打趣說，「我近排冇乜胃口，連對股票嘅胃口都無埋」，直指旗下基金自10月開始已小量減持獲利，「你諗吓濠賭科網嗰啲，由我上次話睇二萬四到𠵱家已經升咗好多，係時候take吓profit啦。」他亦認為一般投資者亦要開始考慮在年底前稍為鎖定利潤，「由10月到12月，如果個倉細嘅，每個月可減持5至10%。」
恒指昨早一度高見23534點，惟期後升幅收窄，報23438點，升98點或0.4%；雖然滬綜指大升1.6%，惟H指昨仍一度倒跌，收報10668點，升24點，全日主板成交額603億元，沽空佔9.1%。港匯持續呈強，昨亞洲交易時段一度高見7.7507，一度逼近一個月前的即市高位。……

(http://hk.apple.nextmedia.com/financeestate/art/20131022/18474002)

升市莫估頂，所以當一切還是歌舞昇平之時，縱使背後暗潮洶湧，一於少理，繼續股照炒。

最近炒股手風還算順，雖然恆指過去一個月等同在 23000 點上下玩搖搖板，但我的荷包都有所進脹！希望這是因為我技術上和心理上進步了！

面對現在這個唔上唔落兼心驚驚怕一個唔覺意股災的市況，我又沒有刻意減持。我只會為每一隻中短線的股票每星期入好止蝕 (止賺) 盤。這樣一來，有時間的話可以望住個市；即使是忙的時候，亦不用擔心有什麼壞消息！如果大市是要跌的話，就讓它們一下子全止蝕好了！到時我又手揸現金，慢慢揀貨買！

有時候感到個市不太安穩之時 (例如國債上限到期之前)， 我就會相應地將止蝕放近一點，以防有什麼冬瓜豆腐個市大插插時，輸少D。

當然，有些時候個市可能只是 chok一chok，在低位觸發我某些止蝕位後又飆上去。這些情況都無辦法啦，只可以望股輕歎，不過現在的我對這些都看得透徹多了：這隻股賺不到錢，香港股市還有上千隻其他股讓我揀。

講返個市，我估可以升得穿 23500，不過 24000 又是下一個阻力。但我一貫地說：炒股唔炒市，你呢期求其扑中一隻騰訊 (0700.HK)、銀河 (0027.HK)、金山 (3888.HK)、長城 (2333.HK)、合生元 (1112.HK) 等等的話，23500 定 24000 又何干？？

Please come and like my Facebook Page if you find my blog interesting: https://www.facebook.com/jailbreakplato

將於今日掛牌上市的雲遊，昨暗盤明顯備受投資者追捧。據輝立交易場資料顯示，雲遊暗盤價昨最高曾彈升超過18%至60.3元，收市報60.1元，較招股價升17.8%，成交額為6,230萬元，不計手續費，每手100股可賺910元。雖然雲遊的暗盤價表現氣勢如虹，惟金利豐證券研究部執行董事黃德几認為現時雲遊的股價已被扯高，相信再升的水位不大，股民可考慮先行獲利。

(http://hk.apple.nextmedia.com/financeestate/art/20131003/18447550)

股評人話隻雲遊 (0484.HK) 太貴時，是以昨日暗盤價 $61 而講。而今日開市 $61.75 之後，一度爆升至 $70 邊，收市報 $67.5。

根據我另外讀到雲遊的一遍報導，以它招股價上限 $55 計，2014 預測市盈率是 12 倍 (http://hk.finance.yahoo.com/news/%E9%9B%B2%E9%81%8A%E6%90%B6%E7%88%86-60%E5%85%83%E6%A8%93%E4%B8%8B%E4%BB%8D%E5%80%BC%E5%8D%9A-220000808.html)。以 $67.5 計，2014 預測市盈率升至 15 倍。近來炙手可熱的金山 (3888.HK)，8月時宣佈半年業績增長 70%，每股賺 $0.30，全年我當賺 $0.60 的話，現價市盈率是 31 倍。如果 2014 年度又是多賺 70% 的話，預測市盈率是 18 倍。所以你話雲遊太貴，又不是；但現價買入的話，新股無往績，真的要追的話，我情願追金山或者網龍 (0777.HK)。

如果你好似我咁 IPO 抽到幾手的話，真是恭喜晒！科網股炒得咁熱，加上新股無蟹貨，貪心的我無理由這麼容易就放手。嘗試想像隻雲遊今日開市時，等同由 $51 招股價裂口跳升至 $61.75，之後是一支大陽燭大升！$70 是有點阻力，但一日不跌穿開市價 $61.75，都可以揸住先睇定d，搏它帶領我們雲遊太空！

Please come and like my Facebook Page if you find my blog interesting: https://www.facebook.com/jailbreakplato