今日無乜 topic 想講，我終於明白到d財演除了要幫忙造勢推股票外，可能就是當個市悶悶地無甚好講時，就要介紹下股票湊夠字數交貨。

首先講返隻永亨 (0302.HK)，我是真的星期三收市前買了，搏它宣佈派高息刺激股價，可惜夢想落空！幸好它的業績都幾靚仔，中午出業績後都有抽上，我少少地賺了＄2，都好過無！

這個星期還見到3隻有睇頭的股票。頭兩隻天工 (0826.HK) 和彩虹電子 (0438.HK) 都是做了個大圓底並已破頂，成交亦相當配合，似有勢再上。其中天工更是做了海嘯後新高，應該已進入無阻力區！

第3隻意馬 (0585.HK) 就 risky d，擺明是莊家股，不過隻股仔已經跌到3底支持，值搏率都應該 ok。小小注、set 好止蝕、再有心理準備揸一段時間等莊家炒上，回報可以幾和味！