Tag Archives: 大新銀行

繼續尋寶

25 Wednesday Sep 2013

Posted by in September 2013

≈ Leave a comment

Tags

, , , , ,

上星期財經界兩單最矚目新聞應該是薩默斯 (Larry Summers) 棄選聯儲局主席和伯南克 (Ben Bernanke) 一D水都唔收。不過，這兩單都是美國料。如果數香港的，應該是永亨 (0302.HK) 突然宣佈「有喜」 — 有人買！股價一下子由 $80 幾蚊 gap up 爆上 $110 幾！帶挈其他的港銀股齊齊升！

永亨宣佈賣盤後 gap up $30！

上月初廖記 (1111.HK) 話有人買，大升之時我話：

話說回頭，市傳廖記的賣盤價大概是1.5-2倍PB，以內地買家出名時常 overpaid，我相信會是偏向接近2倍。根據《經濟通》網頁所寫，廖記每股帳面淨值為 $16.95，我所以我估賣價會是 $30 左右。現在廖記價位是大概 $26，搏唔搏悉隨尊便，我就覺得唔多值啦。反而隻大新，PB仍然只是0.8倍不足，如果真是乘機突破 $11.4 高位，有機會再爆一段。

保守的我 $26 無追入廖記，今日股價 $32，果然是升到上2倍PB！今日就真的是該賣不該買了。

創興股價到2倍PB後有阻力

至於隻大新銀行 (2356.HK)，上星期借永亨賣盤的消息輕輕鬆鬆就 gap up 升穿之前講的 $11.40 前高位，連 $13 都穿埋。上星期見到這情況我都驚驚地不敢追，不過再諗深一層，現價 $14 (係，到今日又已經比 $13 升多 $1！)，PB 仍然是1倍未夠，真的是平得好過份！如果有朝一日輪到大新有機會賣盤的話，應當又是2倍PB無走雞，即是比現價高1倍！！就算要等一、兩年，搏1倍升幅，都抵呀！

所以昨日我又盅個頭埋去啦！=P

大新銀行升破 $11.4 阻力

Please come and like my Facebook Page if you find my blog interesting: https://www.facebook.com/jailbreakplato

多謝廖生！

09 Friday Aug 2013

Posted by in August 2013

≈ Leave a comment

Tags

, , ,

星期二早上當我在辦公室正在忙的時候，突然收到一個 SMS — 你隻大新銀行 (2356.HK) 已經在 $11 賣出。我當堂嚇了一跳！因為之前隻股票還只是在 $9 附近沈淪，我毫不合理的定了個 $11 賣盤，只是習慣地將某些股票定個賣盤在我的目標價，那麼週中就不用多理會，想不到這次竟然無啦啦賣出了！

我立即放低手頭上的工作，上網看看搞乜東東？！

哦… 原來是「廖記」 (1111.HK) 停了牌，看來這次真的要賣盤了！搞到班兄弟股全部升到上天！

創興銀行 (1111.HK) 賣盤新聞一出，即刻飆了接近20%

創興銀行 (1111.HK) 賣盤新聞一出，即刻飆了接近20%

其實早兩個月我讀《iMoney》時見到有股評人介紹廖記，而且它的股價由 $20 多元回吐到 $18 元多時已經炒了一轉。之後我見隻大新雖然無咁大機會爬廖記頭被人買，但它由5月以來，一個月內突然從 $11.4 大跌到 $8.5，PB只有0.6倍。本地銀行股賣盤價通常都有2倍PB左右，隻大新在0.6倍就真是太低了！downside risk 非常少，所以我就由已經炒高了的廖記轉鈦到大新，估不到不夠一個月就有得收割！

多謝廖生！

話說回頭，市傳廖記的賣盤價大概是1.5-2倍PB，以內地買家出名時常 overpaid，我相信會是偏向接近2倍。根據《經濟通》網頁所寫，廖記每股帳面淨值為 $16.95，我所以我估賣價會是 $30 左右。現在廖記價位是大概 $26，搏唔搏悉隨尊便，我就覺得唔多值啦。反而隻大新，PB仍然只是0.8倍不足，如果真是乘機突破 $11.4 高位，有機會再爆一段。不過，講真，人家賣得好價錢所以大新就可以值貴d似乎不太合理。因為如果廖記成功賣了盤，最有興趣來買銀行的已經買到了，又要等幾耐大新才會再有買家來香港 shopping 呢？

創興癲，大新 (2356.HK) 陪它一齊癲

創興癲，大新 (2356.HK) 陪它一齊癲

Please come and like my Facebook Page if you find my blog interesting: https://www.facebook.com/jailbreakplato