讀財經版，很多時會見到類似下面這樣的推介：

XXX股，現價$10買入，上望$11，$9止蝕。

首先，之前都好似寫過，股票「估」票，除非你就是個莊，否則大家買股票的時候其實都是估估吓 (雖然你個一刻可能120%覺得 sure win)。如果買一隻股票，預計 賺錢 upside 是10%，睇錯止蝕的 downside 又是10%的話，等於一蚊搏一蚊，即是買兩次贏一次輸一次的話，埋單都是要蝕經紀佣，小弟就覺得值搏率未免低了點。這樣說，不代表隻股票唔會升，只是個買入價有點瑕疵。

通常要有最少1:2的值搏率 — 即是止蝕輸$1的話，目標回報有$2 — 小弟才會考慮落注，1:2 這麼普通的回報還要是大大隻好穩陣的股票我才肯買呢！不過，在這個大茶飯的時代，實情是就算次次讓你無風險買入，但目標回報只有10%的話，真的未免太不值得了！

大茶飯的時代就當然是要食大茶飯！

你的目標應該是要找下一隻 241 (阿里健康)、1833 (銀泰)、388 (港交所)、1766 (中國南車) 等等等等！還要識於微時買入，綁好安全帶，坐足全程賺它一倍… 兩倍… 五倍… 十倍！！！老實講，個市郁得咁快的日子確實是十年一遇 (上次是2007年)，你是有心轟轟烈烈撈一把，最重要就是懂得控制風險得來要夠貪心！所以如果你有一隻賺硬 (真的？！一笑) 但只得一成回報的貼士的話，可以留番你自己旁身，小弟就不要了。 =D 

最後，早幾個星期有些朋友問前程 (you know who you are)，小弟相中了隻光大控股 (0165.HK)，見它成功突破了2009年接近$26的高位，量度升幅目標見$40，不過無諗過咁快已經升了升幅的一半。這個週末做了點功課，分享吓。除了看好突破$300大關的388 (其實全香港人都看好啦？) ，見到隻國藥 (1099.HK) 疑似突破2010年創下的 $38.7 歷史高位，4月抽上來，5月做埋個後抽，perfect！成功突破 $40 整數位的話，量度升幅我會等 $60。

利申：165、388、1099、1833 全部有貨。最好我這裡一唱再巴巴聲升上去啦！

Please come and like my Facebook Page if you find my blog interesting: https://www.facebook.com/jailbreakplato

踏入五月，個市靜晒，炒得興高采烈的五六七八線股除外。本來上星期五下午一棍殺上來，扭轉了都不知多少天高開低收的格局，以為有運行，誰不知過了個週末又是打回原形。咁嘅形勢，仍相信是大牛市的朋友，可以耐心儲貨；走短線的，都是等大市個勢返來時才再瞓身炒過吧！

啊，其實除了那些五六七八線股外，這兩個星期科網股 — 又或者應該叫「互聯網+」股 — 都在熱烈地炒，可惜小弟無福份食呢個浪！

係咁嘅，其實小弟三、四月時已早早入了「雙金」— 金碟 (0268.HK) 和金山 (3888.HK)，隻268仲破位加過注。四月的大茶飯日子，係食咗一浪。隨著大市節節上升，我亦定時將止賺止蝕位推高，控制風險。當大市今個月由 28500 急急地回落時，手上很多隻股票都一個一個倒下來被震走，「雙金」亦未能幸免，就在這個月頭分別在 $4 邊和 $26 被止賺了。之後的故事，正如我之前所講，「互聯網+」股在弱市中仍 bomb bomb 聲大大力反彈，我卻手中無貨了！

雖然我賺著走，是不應該有咁多牢騷，而且定好止賺止蝕位是應有的風險管理，所以我自問無做錯。不過走貨後立刻 — 係立刻！ — 爆升三成有多，真係好心痛！

Please come and like my Facebook Page if you find my blog interesting: https://www.facebook.com/jailbreakplato