最近見到不少報紙推介都有揀創維 (0751.HK)，而且它又是瑞信 (CS) 一年一度的「利是股」之一。其實，我初認識創維，都是靠 CS 發功，金融海嘯前劉紹文已經不停推介這隻股票。

如果你打開它的一年圖看……

嘩！好靚仔呀！去年8月在 $3 做了小雙底後，一直扶搖直上，直至12月到1月尾做個小圓底回回氣，一到2月又一口氣升穿了 $4.80 的阻力位，掂呀！怪不得人人都推介啦！

咁就錯啦！幅一年圖，fake 你咋！你要拉長~~~ d睇三年圖先得呀！

一看三年圖就一目了然！由2010年10月到2011年7月間，隻創維衝了無數次都衝不穿 $5.35，所以這是一個超級阻力位！亦解釋了為什麼上星期它係威係勢到了 $5.20 就突然「動L」回落到 $5 樓下！

所以，讀股評人介紹不是不可以，但自己都要做功課呀！現在我會將隻 751 放入 watchlist，它一日不成功突破 $5.35 都可以不用理會！