指數在高位震盪,大户靠輪流炒作騰訊 (0700)、平保 (2318)、友邦 (1299)、匯豐 (0005)、濠賭股等讓指數死咬 30000 點唔放。大家是否有類似情況:10月之前手上股票的回報就算不跑贏但都緊貼著指數回報,但這兩個月好像跑馬拉松「撞牆」一般,跟繼續領放的大市被拋得越來越遠。明明大市連升幾日,手上股票這幾日就日日都過半是跌的,之前的強勢二線股大部份這時期都變成 underperform,好無癮!

我不肯定這種狀況代表大市會繼續爆升還是要抖抖,所以不好建議大家要走貨還是追貨。但我不信今日是這次牛市的最終回 — 沒有雞犬皆升,哪來終極大結局?

12月大市要繼續唞嗎?

騰訊跟大市絕對同步

之前提過我的心水牛市新經濟三寶美圖(1357)、閲文 (0772)、眾安(6060),如果你覺得無PE的股票太危險,明嘅,我都唔會瞓身落去。咁真·牛三出現前,有乜大價股好買?小弟覺得今次的鐵膽會是騰訊 (唔駛問啦!)、平保、友邦、港交所 (0388)、瑞聲 (2088)/舜宇 (2382),應該都有銀娛 (0027) 份;其他熱炒股如吉利 (0175)、恒大 (3333)、融創 (1918) 因為無追入到過,唔識評。

熱炒股如恒大這個月開始跟不上大市

如果大市 (咁好彩) 如我所估會回一回先 (其實我估市好少估中),咁就發達啦!唔識睇圖甚麼甚麼的,唔駛諗,睇啱邊隻實力股,一跌落50天線,買!然後等明年的最後煙花,先將D籌碼換返做 cash,可以再慢慢等 lu~~~

Please come and like my Facebook Page if you find my blog interesting: https://www.facebook.com/platosay

Advertisements