似乎,7月的「技術性股災」已經進化成「環球性股災」,99% 的朋友都在過去兩個星期輸甩褲。

相信大家現在都會問:跌夠未?撈得未?

先睇睇恆指幅圖。你不必懂任何技術分析,看著這幅圖,請用你的直覺話我知:個市是升緊定跌緊?

看著這幅圖,個市是升緊定跌緊?

毫無疑問,跌緊啦!(如果你覺得是升緊,而且有貨在手的話,我勸你都係唔好玩股票啦,及早離去) 成日話要順勢而行,好明顯,這個市是逢高沽。

「萬一佢見底反彈,咪買唔切囉!」

大家都好沉醉於先跌千點再單日轉向倒升的大奇蹟日,我都好懷緬當年2007年8‧17的奇蹟!不過,奇蹟當然不會時時發生,所以十居其九,個市都是跌完可以再跌。所以當大市一日跌千點時,你是可以搏短線反彈,但想搏大奇蹟日撈底嘛… 難囉!

如果今日大家有讀報紙的話,「專家」們話恆指 RSI 的超賣情況已經比1987年的股災有過之而無不及,所以應該見底反彈啦~~~ Well,RSI 這東西,跌到落10以下個市係好難再大跌… 住,不過只要大市稍稍企穩兩日,又可以回升上20、30,容乜易再插過!所以以此作一兩日的搏反彈是可以的,但諗住大市這樣就見底的話,難免太天真了!

你問我現在是牛市調整還是熊市,我會答你:唔知!估市不嬲是我弱項,所以我講咗都唔好信!我現在只可以話:睇個勢,逢反彈沽的贏面比撈底高!只有等到個市再跌但跌不穿上一次低位時,才應該重新檢視大市是否有可能跌夠了。

如果你是一個只可以買股票但不能沽期指、買 put option 的投資者,現在就只可以等 — 等恆指幅圖由「跌緊」變回「升緊」才再入市。買股票這東西,最怕是不升不跌;現在的大跌,就是給有彈藥的投資者低位買入的機會!小弟有期指期貨戶口,雖然之前都有蟹貨被擲死了,不過在這些波動的日子,都可以趁勢沽幫補一下。雖然所賺的遠遠未能填補股票所輸的,不過起碼心理上可以平衡一下,不會哀莫大於心死。

總之,個市係跌緊,一日幅圖未轉勢,都唔好理報紙雜誌的專家點講,唔好有幻想跌完!專家們講的是跟我一樣的廢話,只有真金白銀用金錢買賣畫出來的股市圖表才是真理!

Please come and like my Facebook Page if you find my blog interesting: https://www.facebook.com/jailbreakplato

Advertisements