經過了風高浪急的一星期,大家的心情平服了未?大家個 bank account 又平服了未?

小弟個心情 OK,但個 bank account 跟大家一樣唔係太 OK,五窮六絕七翻… 艇!

學「桂神」話齋:炒股呢家野呢,有兩個可能性,一係賺,一係唔賺 (即係蝕啦!) 最緊要是,蝕咗錢都要賺到經驗,下次就可以做好D (即係蝕少D啦!) 所以一於來個賽後檢討:

1) 因為有貨而變得太主觀,每次回調都覺得是買貨機會,而不是望清楚個市是否有點問題出現。其實當恒指4、5月在28500水平做雙頂時,幅圖已經出晒警告,係我自己唔信。

2) 從2008年金融海嘯後就知道,股票市場從來就只是跟隨「錢」行,尤其是在這個後QE時代:放水就升,收水就跌。所以當阿爺話要調控兩融,即是收股票市場的水,我就應該醒水。

其實4、5月形成的雙頂走勢顯而易見

3) 自己以為好醒,見大市在牛市時回調大跌1000點就心諗是「終極一跌」好快回升,結果之後大市再跌多幾次1000點時就心想守住自己手上的貨無嚴格執行止蝕。最後當那「終極一跌」真正來臨時,就手忙腳亂胡亂打靶!還好,小弟在不理性當中都還帶點理性,細價股始終都嚴守止蝕,否則真是隨時輸到入廠。

4) 緊接第(3)點,當發生了幾次狼來了的「終極一跌」,真正「終極一跌」來臨時,自己已經麻木了,無心無膽撈底。

5) 不論是贏錢 (4月) 還是輸錢 (7月) 時,都要保持冷靜,因為大上大落之時,是市場錯價之時,亦是最肥美的機會所在。

6) 想做到第(5)點,就是要學懂跌市前早早逃生。成手蟹貨無彈藥的話,有幾冷靜都無用。

7) 不論大市跌成點,我仍是一定有一點貨底在手 — 當然這些都是實力藍籌股。因為有貨在手就可以當大市激彈時有份賺錢,從而不會太著急失去理智地追貨。

不知是我現在太冷靜還是我被嚇怕了,在恒指能確實企穩在 25000 點上之前,我都是會靠邊站。

Please come and like my Facebook Page if you find my blog interesting: https://www.facebook.com/jailbreakplato

Advertisements