上星期五小弟事忙，收市後讀新聞先知道A股大跌6%！ 近千隻股票跌停板！

A股金翅畢行鳥？！

咪住先，我心裡面凝住有D嘢… 但星期六讀報紙又是講那些打新、孖展，究竟係咩呢？… 係咩呢？…

呀！我終於醒起啦！之前睇過話星期五是內地三大指數滬深３００、中證５００、上證５０期指的６月合約結算日，平時香港每個月尾結算前後都會有高人們行出來話期指結算如何如何影響港股走勢，為何今次無人照辨煮碗講A股嘅？

小弟大膽估計今日會是撈A股的好時機，因為：

1) A股這一浪每次由最近的高位回調超過10%，都是入市良機；
2) 上面講到上星期五是內地的三期結算，六月還要是半年結的日子。過去一季A股升到爆廠，有人 take profit 鎖定半年結盤數一D都不奇，又有人手上大把利潤，見個市插，急急腳食糊搞到人踩人亦唔奇。所以星期五可能 over-react 了？！
3) 今天內地放假，有人長假前減倉？
4) A股跌6%國企只是跌少少，恆指仲企得住升市收場？！
5) 香港隻3188星期五3點前跟滬深３００勁跌，但3點A股收市後就自己識反彈。唔通有大戶睇穿了？？

6) 之前報紙日日叫人趁低買，今日終於話未跌完睇定D先 —> 即係買得？！
7) 近來外資不斷放聲氣話A股泡沫，又係㩒低個價譲自己可以平價入貨的技倆？！
8) 今天內地放假，香港的A股ETF可以平價任買？

不過，作為看圖表的買家，A股週線圖上這枝大陰燭確實嚇人，現在入市實在有如空中接刀，萬分險惡！正常情況下這樣買輸多過贏。

所以請自己判斷，這個是機會，還是陷阱？！小弟而言基本上倉內一點兒A股都無，今日開市會趁低買些ETF作中長綫投資，另加一些 call option 炒短線搏自己分析正確。如果你早已買了些A股ETF，成本低的話可考慮趁機加注；最近買而無乜得賺 (甚至捱緊價) 的話，我就勸你三思而後行啦。

同場加映：希臘債務談判唔上唔落，但希臘股市就率先大插插。希臘總理齊普拉斯 (Alexis Tsipras) 40歳仔，咁後生，可以係希臘政界玩多起碼二、三十年，我就唔信他會譲希臘脫歐冧檔做千古罪人！我話他只是在博弈多拿籌碼，6月尾前一定傾掂數！(其實可能已經傾掂咗唔話你知)

搏希臘無事，股市反彈，可買 Global X FTSE Greece 20 ETF (GREK.US)

Please come and like my Facebook Page if you find my blog interesting: https://www.facebook.com/jailbreakplato