Tags

, , ,

最近港股不可以話悶,但都只是今日炒炒這幾個板塊,明日炒炒阿爺減息,實情是市場的消息大部份都是噪音,值得吹的話題小弟真是揾無可揾。終於今日見到隻漢能薄膜發電 (0566.HK) 發癲,叫做有些話題性!

先旨聲明,小弟本來低位有揸貨,但是早些時候讀報紙話 Wall Street Journey 質疑它盤數,我怕又有「混水」摸魚,在 $3.6 就放了。所以今日我是帶著一對紅到爆的眼睛和酸到喊的心情來寫這篇 blog,不能保證說話無帶一點偏見!

今日漢能成交僅次於安碩A50

隻漢能今日繼續早幾日的升勢喪升兩成,現在市值已經是2600多億!2600億即是多少?港交所 (0388.HK) 和地鐵 (0066.HK) 市值是2000億,中石油 (0857.HK) 「只是」1800億,平保 (2318.HK) 都只比它大一點點,3000億市值!但我問你,漢能是做什麼?可能不是太貼市的朋友連這隻股票名都未聽過!

而最爆的是,今日漢能的成交量額有24億,排第二,只是輸了個馬鼻給安碩A50 (2823.HK)!我記得,去年9月有一隻神奇股中國天然氣 (0931.HK),又是喪炒喪炒到有一日上了成交榜第二位,之後就單日被洗倉超過50%!今日的漢能,會否就是昨日的中國天然氣?! 中國天然氣當日登上成交榜第二位後就被洗倉了

不過,有一點要記住,今日我們有港股通而去年9月未有。如果內地的大叔們決意要炒的話,隻漢能未必會好似隻中國天然氣咁快爆嘅,不過小弟就一於吃著酸微微的葡萄等睇戲!

Please come and like my Facebook Page if you find my blog interesting: https://www.facebook.com/jailbreakplato

Advertisements