Tags

, , ,

上兩星期瑞士央行突然將瑞士法郎跟歐元脫勾,一瞬間對美金升值30%。就算你無留意這段新聞,都應該讀到獅子銀行當日的網上銀行出了錯,人家瑞郎急升了但客人在 internet banking 都仍然可以以未升值的超筍價買瑞郎,仲要有足足兩小時可以慢慢買!唔知有無朋友發到這一筆橫財呢?

小弟就當然無啦!所以要積極找令一個方法發財呢!

放眼望遠一點,在太平洋彼岸的美國,薄有名氣的外匯商 FXCM,因為客戶炒燶瑞郎所以差點暴斃,幸得 Leucadia (LUK) 出手相助,借三億美金周轉,不過條件就辣啦:兩年期,年息 10% 起,每過一季就加息 1.5%,最多加到 20.5%!擺明想食咗人隻車!

FXCM 因為客人炒燶瑞郎差點摺得

FXCM 一出事,隻股票20號開市,股價就由前一日的 $12.6 gap down 到 $1.58,直插近 90% 無水花!我睇到眼都凸埋,但貪心的我有覺得好抵買喎!當然,炒了這幾年股票知道接 falling knife 是找死的行為,所以我又不太敢買。

想了一晚,有一點我諗唔明的是:既然 FXCM 一出事就已經找到了白武士放水,應該無爆煲的危機啦?而且這次只是 one-off 的黑天鵝事件,FXCM 的外匯業務無問題,最多質疑它的 risk management 有問題。咁點解個股價會咁殘?

我開始成功自我催眠要買貨啦!為了限制我的 downside risk,雖然我知道這樣一 chok 個 volatility 一定是高到上天,但貴一貴都要揀用 call option 去搏,我就在 FXCM 還是 $1.85 的時候 long 了個三月 $2.5 call,而我的目標價是 $5!雖然成日話低殘的股票在高位有蟹貨區,不容易升上去,這次卻有點不同。隻 FXCM 由 $12.6 插落 $1.58,中間一點成交都無;試想想:如果我不幸 $12.6 買了,gap down 到 $1.58 時我不服輸無賣的話,當隻股票回升一大倍到 $3.16,我都仍然輸幾八成,是輸到趴係到,梗係再坐搏升多D啦!這情況下低位無賣的應該仍不會賣,最多是有人撈低後獲利。加上公司本身業務無問題,所以小弟認為這次 FXCM 的瑞郎危機,是一個炒翻身的大好機會!雖然上星期隻股票兩日升近倍到 $3 樓上,但這星期回吐到 $2.5 樓下,又有靚位讓興趣的朋友入貨!

FXCM 出事後股價一日跌近90%

Please come and like my Facebook Page if you find my blog interesting: https://www.facebook.com/jailbreakplato

Advertisements