騰訊 (0700.HK)，是香港股壇過去十年的傳奇。由$3.7的招股價升到未拆細前的 $600 多元，升了近 200 倍。

傳奇背後，面個句，當然首要是它的業績交到貨，跟股價一樣，於過去十載有爆炸性的增長。底個句，騰訊的貨大部份都入了各個基金手中，大家揸到實，搞到街上實際上流通的股數大減，做成 supply 少，要托住個價更容易了。

過去幾年，撇除金融海嘯這些非常時期，如果你手上是有騰訊的話，其實賺錢得來都幾腦交戰。一方面賬面上越賺越多，當然想快快手套現賺咗先！另一方面眼見騰訊個勢升極都有，雖然怕高處不勝寒，股價會跌返落來，但更怕沽咗出去無機會低位買番，所以又不敢沽。

結果，通常近視的散戶就會是沽咗先賺了錢但等不到的低位永遠都無再出現讓他們撈番。基金經理們，一則買賣的數量較大，知道就算今日高位出了貨，他朝在低位都未必可以全數買回；二則人有我無的話，如果跑輸其他基金就怕被客戶話；三則反正都不是自己錢，不用貪心收錢先。漸漸地d貨就有散戶走到了基金的倉位裡了。

這兩個月的港交所 (0388.HK)，自滬港通概念曝光後忽然都有了這種感覺。如果你今日手上仍有 388，看著那好像只升不跌的日線圖，加上全港投行大合奏唱好港交所受惠滬港通成交額會顯著有得著，真係唔多夠膽賣，好怕賣了隻股後，它繼續升無位買番！結果人人揸實不放，股價當然就挾上！

不過，港交所始終是港交所，這個「騰訊化」的魔力不可能永遠持續，就 keep 埋個9月、10月直至滬港通正式開車為止啦！

 

Please come and like my Facebook Page if you find my blog interesting: https://www.facebook.com/jailbreakplato