先講隻 759，今早諗過踱過，炒開舖實在太空泛，阿信屋真的開了間銅鑼灣千呎店又如何？賺硬咩！所以今日一開市就 $1.56 賣了。

你話見到它繼續彈上 $1.77 心不心痛？心痛㗎！但我不是神仙，估不到它會炒到幾高。既然我低位入到，賺了幾十個 percent，就由得人賺最後那點吧！希望隻 759 真的只是炒兩日貨仔！之後回落來讓我再買過！

賣了 759 的錢，我轉了放落隻香港電視 (1137.HK)。理由是搏立法會今日可以通過特權法！雖然一來機會偏細，二來通過了不代表香港電視發牌有望，但隻 1137 這星期無炒過，市場都已經接受無牌的現實，所以不通過的話 downside 應該不多；但如果咁好彩有些建制牌的朋友變節得以通過的話，點到可以炒一轉吧！

我就等你這一兩天看看我運氣如何，縱使是輸面大，也當是為香港電視和王生打打氣吧！

Please come and like my Facebook Page if you find my blog interesting: https://www.facebook.com/jailbreakplato