美國的黨爭越來越不似樣,令我想起以前中國歷史的牛李黨爭、新舊黨爭等等。以前這些黨爭輸了的隨時有殺身之禍,相比現在的黨爭輸了可能無咗份工,現代的黨爭可算是雞毛蒜皮!

牛李党爭起與唐憲宗統治時期

不過,以前資訊不發達,亦沒有好像現今的地球村。所以當年中國黨爭,關歐洲咩事?(Sorry,美國你未出世) 但今日美國黨爭,有什麼「依郁」,全世界的經濟都可以崩潰!所以雖然我們身處香港,都不可不防。

明明前日才話似乎可以講掂數,昨晚又話有人玩嘢臨時加條件。10月17日星期四是所謂的死線,傾唔掂數美國國債就有違約的可能。老實講,當 showhand 的籌碼是以京以垓計 (「京」和「垓」是「兆」之後的單位),無理由有人夠膽傾唔掂。不過唔怕一萬至怕萬一,就算只有 0.00001% 的機會,發生意外後的後果是太大了,點都要有兩手準備。

如果,香港時間星期四,港股收市前,民主共和兩黨都未傾掂數的話,我就會買定即月 OTM put,行駛價諗緊,可能是大約 21500 水平,用少少錢買個保險。

但如果已經實牙實齒講掂數的話,當然就乜都唔駛做,大家馬照跑,舞照跳!

Good Luck!

「恐慌指數」VIX 現價不高又不低

「恐慌指數」VIX 現價不高又不低

Please come and like my Facebook Page if you find my blog interesting: https://www.facebook.com/jailbreakplato

Advertisements