Tags

現今其中一種很流行的投資建議,叫「一注獨贏」。

身邊朋友的炒股貼士,如果叫你「買少少玩吓啦」,聽落幾~~~ 無信心,好似他也是估估吓… 但如果他跟你說:「實掂呀!瞓身啦!」幾有氣勢!!就算你平日不太相信貼士這東西,都可能怕執輸買少少放在倉底。

看90年代那些賭神賭俠賭聖電影,最後決一死戰時,就算是同花順大戰4條A,如果雙方的賭注只是三幾千萬,作為觀眾都只覺得無乜刺激感啫!所以不論是發哥華仔星爺,每一次就算不是「大埋你隻手」,都起碼要 side bet 一張瑞士銀行本票啦!這樣子大家才覺得夠晒激!

賭神 賭俠
賭聖

一注獨贏,首先是違背了「Don’t put all eggs in one basket」的風險管理。我認為只有一些窮得沒有辦法、只可以用僅有身家搏一鋪的人,才會局住要一注獨贏。

有些人劑劑都寫「一注獨贏」,如果讀你文章的人信你跟你買的話,第一注真的瞓身了之後,都未到你話賺一倍的目標價,又讀到另一隻股票要「一注獨贏」???又話只是落一注?我那裡有錢再落第二注?咁點算?!隔個星期就一注獨贏一次 — 查實你究竟有幾多注先???次次都跟你買的話,我是不是要一注錢借九成買落十注呢?結果又是分散了在十注八注!咪一樣!

講到尾,這些所謂的「一注獨贏」,都只是 gimmick。跟王晶導演在賭片中創造官能刺激,如出一撤。既然其實你心裡面根本不是想叫人就一注瞓身買落去,只是想嘩眾取寵,就無謂誤導人啦!

反過來說,如果你隨便聽人講句就真的這樣子一注獨贏買下去的話,我只能跟你說句:GOOD LUCK!

Advertisements