昨日恆指高開200多點,之後就繼續升,圖表上升穿了三角形走勢,疑似見底,不過我心裡面諗:你 keep 住高開高收先好!咁就真的確定轉強勢了!

誰不知我烏鴉口,開市一個多小時後個市就開始回吐!到下午還試過倒跌!這樣子好唔掂喎!彈高再單日轉向比就這樣牛皮回落仲衰!心想難道又是彈完就散?!不過大市只是輕輕掂一掂 20700 樓下,又反彈收市升 200 點,即日表現單日轉向再轉向!!又再守番在三角形之上!

當時我還不知道日中一插是因為內地出入口數據差於預期所致,但現在看來,一個都算幾 out of expectation 和幾差的新聞,港股和A股都可以用一小時時間就消化兼大反彈,差不多等於面對壞消息都不肯跌的轉強徵兆!

我心想如果大市對好消息都識彈就 very good 啦!

想不到機會今日就來了。昨晚伯老又出口術話不會咁快減少買債和加息,天大的好消息啊!!!今日大市應該要高開高收就應該可以放心入市啦!今日就當真高開 200 多點,之後繼續升升升升升!收市升足 500 多點!絕對絕對升穿了短線的三角形形態!好嘢!

雖然大市未必會一升到底,但我想應該可以逢低買了!

恆指走勢轉強

國企都向上突破了三角形走勢

Advertisements