Tags

,

《魚缸博客》花旗債息升,領匯(00823)跌不停!

《魚缸博客》近日股場大上大落,近兩日仲喺一片「退市聲」之下跌穿埋50日線。退市聲
轉響,主要係見到美債價下跌,債息抽高到去近一年高位。
  債息抽高,萬一美國真係減買債兼且提早加息,咁向來標息高嘅領匯(00823)就真係
變得唔吸引。早排大摩喺領匯仍然如日方中之時已經唱淡,話佢地回報開始變得唔吸引,「他劇
」睇到得39蚊,佢地睇淡之後股價係咁跌,自月中登頂後,短短兩星期就回調15個巴仙,證
明大摩真係「獨具魔眼」。
  領匯呢幾日已插穿好幾條技術日線,雖今日大挫後仍可守喺40蚊邊拉鋸,呢隻股喺無乜消
息之下咁跌法,好有可能最後一關250天線嘅38蚊水平都守唔住,都係唔好掂喇!

(http://www.etnet.com.hk/www/tc/news/rumours_detail.php?newsid=ETR230530395)

領匯

之前隻領匯 (0823.HK) 係咁升時,就話「早之 $3x 買啦,點知會升得咁快,而家無得追啦!」現在跌番落來時,就話「唔抵呀」「得3%息太低呀」「咁插法仲有得跌呀」… 咁一世都唔駛買啦!

你是相信領匯是強勢股的話,每逢這樣子幾日插10%就是入貨之時。香港地,股票升時有一堆唱好的理據,股票跌時又一定可以找到另一堆唱淡的原因!人云亦云的話就只會落得高買低賣!

講番領匯隻股票:
1. 太多基金揸住賺大錢,由$45跌落$40與他們$20的買入價比,仍然是賺很多很多,根本不需要賣。他們不賣貨,市場中的貨源仍然是很少,要炒番上很容易。

2. 3%股息率是不太高,但其實跟美國、日本、甚至香港的銀行利息比已是很好了。而且領匯的股息仍然是每年遞增,即是你今日買入價股息率是3%,你下年股息派多了,用你買入價計算的股息率可能已經是等同4%!

3. 市場驚美國收水加息,香港局跟時,會令樓價下跌,地產股的盈利受影響。首先,現在大家只是估估吓,伯老次次開聲都是耍太極,講完等於無講,無人知他究竟心想幾時收水;而且領匯最吸引人之處就是它的商場很多都是之前管理不善而被 undervalue,現在只需要執靚d已經可以帶動租金回報由 undervalue 回升至合理水平,只要樓價不是勁插50%的話,其實領匯應該不太受影響!

領匯上市以來,除了2008年金融海嘯時,真是無幾何跌穿條250天線,週線圖 RSI 跌穿50就更少有!現在不買等幾時?!如果你真的好擔心好擔心這次會是公用股大逆轉的開始,就在今年1月的低位$38左右做個止蝕,只是5% downside,大大注買都無問題啦!至於我自己,可能會加少少,但又不會瞓身,因為它雖然是贏面高,回報穩定,但我年少氣焰鍾意搏,所以都是喜歡留多點錢炒吓炒吓……

領匯週線圖 RSI 逢跌穿50都是入貨好時機!

領匯週線圖 RSI 逢跌穿50都是入貨好時機!

Advertisements