Tags

,

昨日日本股市上午時係威係勢,好似快要衝穿16000!誰不知一個下午、3.5小時內竟然跌1000點!講真,日本股市由不足9000點,半年內狂奔7000點到16000點關口,跌翻1000點,好正常啫!不過無人諗過在1日內就跌咁多!以昨日的形態,日經指數創新高再倒跌收場,一枝超級大陰燭「穿頭破腳」兼大大成交,絕對不應該貿貿撈底。再看今天日經早上曾經升500點,但是嘗試升上15000點不果,下午開市又再倒跌,雖然最後都升市收場,但都應該忍手,等它慢慢 (還是快快?) 跌定才出手。

昨天日經突然大跌1000點,嚇死人!

昨天日經突然大跌1000點,嚇死人!

今天日經嘗試衝擊15000失敗,又跌翻落來,形勢不太好

今天日經嘗試衝擊15000失敗,又跌翻落來,形勢不太好

 

至於港股,我的感覺就比較矛盾。一方面恆指昨日受拖累大成交跌成600點,而且早兩星期港股似乎對所有壞消息都麻木不仁,但昨日就反應過敏,似乎偏向淡。另一方面經昨天一役,人人都話大市未跌夠,散戶又好像淡淡定定等22000點買貨。如果大家相信這仍是牛市的話,大戶肯定不會咁順攤跌咁低讓你們班散戶慢慢買貨啦!所以港股方面我就覺得未必還有很多水位跌。有心水股到價就要考慮入貨,只要做好風險管理,買貨時定好止蝕,萬一睇錯,願意斬纜,理應問題不大。

恆指今日跌到50天線就反彈,好似有d支持喎!

恆指今日跌到50天線就反彈,好似有d支持喎!

Advertisements