Tags

雖然愚人復活節香港放假,但日本繼續開市,而且幾令人驚訝地連同今天已經連跌兩天,跌了差不多400點!望望幅日線圖,10月中由8500點開始升上來,3月中至今在12500做了個小圓頂,難道日股已經升完?

日銀總裁黑田san的印銀紙救國行動得唔得好難講,所以日股是否仲有得升我都不知道,不過過去幾年日股例牌在3月尾見頂。

憑我之前工作上接觸到日股的經驗,加上在日資行叫做做了2年,知道日本公司差不多全部都是3月31日年結,股息就會在3月尾、4月來到之前派發。以前外匯佬會話3月尾年結時匯番多d日圓返國,所以日圓通常在3月偏強。但其實不論是日本基金公司或者是日本企業,年結時谷高股價做靚(d)盤數都好正常,而且基金揸貨揸到3月尾還可以收埋股息!所以一到4月,大家散水都好合理!

再看看過去幾年日經指數的圖。上次由2011年尾8000多點升上10000點,但一踏入4月即跌,不出3個月又打回原型!

之前一年,日經在2010年尾由9000點開始升,但今次在3月中到11000就已經大插!點解大家息都唔收就沽貨?因為當年就是3‧11大地震,所以地震後的恐慌性拋售已經預先跌了。

再向前行一年,又是在2009年尾由9000點升到3月尾的11000多點,一到4月即急跌,直至8月。

日經過去幾年4月例跌,今年也不例外?!

當然不可能一本通書用到老,否則就全世界人人發達啦?!譬如,之前3年,在4月跌市前高位都是比前一年低,但今年早早已經升穿了之前3年的所有高位,所以日股可能已經轉勢,今年未必跌回之前的低位?!4月跌一跌有可能只是調整而已。

大家都是𥄫實黑田san和日圓走勢隨之走位啦!

Advertisements