Tags

, , ,

這星期雖然大市向南走,但其實都有兩個很好的賺錢機會。

機會一:玖龍紙業 (2689.HK)

星期一玖紙公佈業績,錢不是賺得特別多,但負債就總是多過人。所以一開市就被人大沽特沽。但沽了一小時候,到10:30左右,它就開始絕地大反擊,升升升升升!結果埋單倒升3%!有人話是因為玖紙主席張茵出口術話將會加紙價,所以大家就一下子轉軚睇好炒上去。

Well… 不理是什麼原因,隻股票在高台下方支持 $6.4 的位置假跌破,圖表上留下一條誘人的長尾巴,而且業績已出,實在是搏反彈的好機會。昨日大市唔就,它都只是微跌;今日大市一企穩它就立即發難,大升5%!

玖紙 (2689.HK) 業績後大跌再大翻身

機會二:友邦保險 (1299.HK)

友邦今日出業績,事前人人讚好,話一定掂!我不是不信,但當人人話好時,股價通常亦會預先造好,好容易被人在出業績時趁好消息出貨,業績後反而會反高潮跌下來!所以我就覺得無謂追。

不過,昨日大市跟美股大跌,搞到連友邦都不能幸免,跟跌2%。反而造就了個好機會,讓大家可以安全點以「低位」入貨炒業績!而友邦亦沒令人失望,業績交足功課,今天大升4%兼創新高!

友邦 (1299.HK) 業績後勁升

講咁耐,我有無買先?!

我呢… 事後孔明就叻,事前就成日「船頭驚鬼,船尾驚賊」!

咁你話呢? >,<

Advertisements