自從A股從「1949」的建國底大幅反彈，相信各位有揸股票的朋友近來都鬆動咗多咗錢駛！小弟當然都盡全力入市享受這段美好時刻！2013年「牛咁眼(目及)實股」當中，除了早已經上了車的公路股和體育用品股外，思捷 (0330.HK)、騰訊 (0700.HK) 貨已入，連雨潤 (1068.HK) 都早兩日升破$6.4的上行關口追入，現在我坐定定等它「飛升」國際！唯一是架比亞迪 (1211.HK) 電動車轟轟聲開行 turbo，追唔到。

話說小弟12月時見到隻卡姆丹克太陽能 (0712.HK) 升穿 $1.25 的小圓底阻力位兼補回4月時的裂口，見突破就買入啦。

好好彩買入無幾耐就有股神巴菲特在太平洋的另一邊買太陽能項目，還要是 712 的主要客仔，隻股立刻升到巴巴聲！我見短短幾日就升了成20%，就在之前定落的目標價 $1.66 賣，賺到快錢應該 happy 啦……

點知3日後的今天它曾高高在 $2.15 跟我揮手！嘔血！！！

即係咁，我唔係賺到錢都唔開心，只是現在是嘔住血開心啫！…… -_______-“