今日平安夜，雖然不是紅假，但股市都只做半日就收爐啦！所以今日貼一段無無料料的「財經新聞」！=D

中環在線：瓦努阿圖 陸叔搵過食嘅地方

呢兩張發黃相片，主角係財經名嘴陳永陸，陸叔，正確嚟講應該係「陸仔」，佢前面兩位好似非洲土著嘅女士，其實係36年前、廿幾歲嘅陸仔喺瓦努阿圖滙豐分行工作嘅同事。原來瓦努阿圖當時係英法殖民地，亦係稅務天堂，滙豐整間分行喺度幫外國人做嘢，成間分行得七個人，包括陸仔同另一位香港同事，其餘係土著同英國人。
近年一個移民廣告令人認識瓦努阿圖，陸叔就一早去過。陸叔話，1976年去瓦努阿圖時，同家嘅陸嬸已拍拖8年，當時冇電郵，打長途電話超貴，一分鐘要兩蚊澳元，惟有日日寫信傳情。每星期得兩班機從澳洲飛去瓦努阿圖，陸仔就等呢兩日收信，結果儲埋幾箱信，陳太仲有保存，只係搬屋後忘記放喺邊！

(http://hk.apple.nextmedia.com/financeestate/art/20121224/18111981)

祝大家聖誕快樂！