經過上星期過山車般的「總統週」後,今日恆指又回歸平靜。開始見到財演們分成兩派:一派認為 21300 的裂口位是好支持,另一派話恆指升了 3000 點,根據黃金比率回吐 0.382 就應該要見 21000 (大概係咁講)。

恆指 21300 見明顯頸線支持,企得住無?

在恆指週線圖升穿三角形形態並企穩了3週的情況下,小弟中線都是看好一點。況且上個月證明港股可以擺脫死跟美股的習慣,而A股超長期尋底過程後,現在是「2140 雙頂」大戰「1999 頭肩底」,未上穿 2140 或者下穿 1999 都未知鹿死誰手!但在外國咸水不斷水淹香江之下,「1999 頭肩底」似有少許優勢……

上證「2140 雙頂」大戰「1999 頭肩底」!

短線來說,突然間個個睇死美國共和民主兩黨為政治前途一定會搞掂「財政懸崖」,所以不用太害怕。我還記得上年8月大家夠講到好似早預計美國會被人由 AAA 信貸評級降級,結果當 S&P 真的對美國降級時,又是跌到七個一皮!我這次不會如此掉以輕心!年底前在「財政懸崖」的陰影下,就如同大家今日對本港樓市的評語一樣:唔跌都唔似可以有得升。

港股方面,不用多說,21000 的牛仔太多,殺!打完邊爐食完肥牛再算!今日個指數雖然無點跌,但班炒股好似水泥股和光伏股大插插啦!小心小心。

咁多肥牛,唔係唔殺來打邊爐呀嘛?!

 

Advertisements