悠長的兒童節 + 清明節 + 復活節假期轉眼就過了。如果上星期無請假的朋友,睇住個市簡直就得啖笑:今日跌你200點,明天又升番200點,浮浮沈沈又是回到了起點!

雖然大家十分的不情願,但明天始終要回到工作崗位;而4月個市,又或者話第二季個市,現在才正式 show time!

我努力叫自己不要嘗試去「估」市,做 technical analysis 應該盡力遵從圖表給我的 hints,而實際上這一刻主觀的我亦對個市的方向無乜 feel。雖然坊間的意見多數是「大市升又升唔得多,跌又跌唔得多」,但如果只看圖,恆指2、3月時在21700做了3個頂,現在走了1個月的下降軌,3頂頸線20500水平已經兩次被試穿再收復,我覺得走勢偏弱。

國企仲衰,11000點的頸線位已經跌穿多時,上星期嘗試挑戰但無功而回。如果國企是恆指的先鋒,更顯示大市向淡的機會大一些。

事實上,最近的消息除了中國官方 PMI 重越 50 是利好之外,其他全是偏淡,包括:聯儲局唔似會短期內推 QE3、歐債的爛攤子死灰復燃,看似燒到西班牙、大陸民企的爆煲潮、「新地」門、還有最新鮮熱辣財爺對樓市泡沫的警告及內地高於預期的 CPI,全部都是有能力推低大市的消息。

現階段小弟自己會繼續用熊證 hedge 住手上的貨,如果恆指確認跌穿20500頸線 (上星期等極都未可以確認 yet…),我就會再加碼熊證買跌。

Advertisements