Tags

, , ,

灰色事件一:

星期四中午銀河娛樂 (0027.HK) 公佈業績。我見之前幾隻濠賭股好似金沙 (1928.HK)、永利 (1128.HK)  都有靚靚業績,27 個價位又在 $19 高位徘徊,如果向上穿的話應該都可以爆一段,所以早上買了個 call。

業績公佈,多賺2.3倍但下午股價反而向下走,心想大概因為它不派息吧 (金沙跟永利都慷慨派息)。心諗既然業績炒不到,基於風險管理,就蝕住賣了。

誰不知第二日市場話銀河的業績好,帶動全部濠賭股一齊 gap up 高開。隻27號其實星期四已經最後5分鐘收復大部份失地,星期五開市價再 gap up 8%,雙日轉向 12%!!!望住個 screen 我除了「啤」~~~ 一聲外,又可以做乜?

灰色事件二:

之前讀各財經報紙雜誌,間唔中都有講起中視金橋 (0623.HK),我都有d興趣。可以跟央視合作做廣告,肯定是有一定的關係,再加上派息好,margin of safety 又高一點。

上星期初大市急跌了1000點時,我見它星期三 (7號) 也回調到 $3 樓下, 星期四 (8號) 就定了 $2.95 的限價買盤,點知當日去到 $2.96 它就回升了!但由於上星期我一直都是偏淡等恆指跌落 20000 點,所以星期四我買不到這隻 623 就心想不用心急,等下先啦。

但它三爬兩撥幾日之間它已經回升到 $3.3 水平,星期五早上我知道它中午公佈業績,但見它幾日內已經反彈成 10%,唔追啦…

結果呢?它業績果然不錯,又果然派了高息,但「可惜的是」(對我來說) 它派的不止是高息,而是超高息!!$3.3 的股價派 $0.212 的股息,足足6厘有多!所以下午它頭也不回就升了20%,這次我不再「啤」~~~ 了… 我直情想一拳打爆個 mon!!

兩件灰色事件中我不是眼紅這些大升的股票,日日都有不知名的喪升股票啦!但這兩隻是叉燒餵到埋口都食唔到,真是覺得非常沮喪… 實在太揼春了!

Advertisements