只是短短一個月前，各大傳媒訪問財演、投行分析師對2012年香港股市走勢預測，10個裡面有11個話「先低後高」。今日你打開報紙，財演會話「短期有回吐，整固後再上」，投行會出報告轉晒軚 sell 2012年發財股。人人當2011年講過的說話似粉筆字抹咗佢，好似從無講過咁。

呢個故事有兩個教訓：
1) 無人可以預測到一年後的大市。通常今年估中的只是好彩，下年都係唔中。大家無謂對這些所謂「預測」太認真；
2)  財演講的說話，10句起碼錯5句，如果唔係 by probability 佢已經發咗達，不用每天拋頭露面。我覺得只應相信 (+分析) 已發咗達的人的說話，eg. George Soros, Warren Buffett。「發咗達」是最好的証據他們的說話啱多過錯。

假若你當天聽了各大「名家」的話，等大市今年「先低」而無入市，就無謂現在才追入，都水尾啦！等吓啦，吊頸都要透吓氣，會回吐，到時再看中、歐、美的情況決定入唔入市啦！講明先呀，現在個個話全世界放水，大市水頭充足，回一回氣再上，你自己諗諗你會再信一次還是用自己的腦袋思考思考？！