上次講完搏反彈，今次講如果搏失敗咗要止蝕點算？

1) 如果你買隻股票時，不是好似巴菲特一樣預咗跟它過人世的話，止蝕位應該在你買之前就定下。買了之後的心理狀況是會偏心的！

2) 正如 Jesse Livermore 所講，任何情況止蝕不應放在10%以外，否則即使反彈都很難返家鄉，心理壓力變得更大，你只會更加死都唔放。看看下面個表，如果你等隻股票跌30%先止蝕，你要揾番隻股票升43%至返到家鄉！

3) 除了擺死跌10%做止蝕外，亦可以用圖表上的支持位 (或阻力位如果你short的話)。如果你發覺支持位好似好遠咁 (eg. > 10%)，可能你應該考慮等好d位至入貨。

4) 落手落腳放止蝕時，可以用 online trading 的 stop loss 服務，這樣就不用驚走雞。但小心一些交投不是十分活躍的股票，bid-offer 可能較闊，有機會一跌就穿你止蝕位幾個價位，所以通常我會俾d位走棧。
例如： 我 set $8止蝕，但最低賣出價會 set $7.9。意思是當隻股票一穿$8，任何高於$7.9的價位我都賣！

5) 比較貼市或進取點的朋友可以自己望實，差不多收市時才人手止蝕。好處是有時股市玩嘢，盤中大插之後反彈收市，好似乜都無發生過咁！如果用電腦 set 死止蝕位就可能中伏低位出貨！當然，人手止蝕亦有可能會令你蝕更多先 cut loss 同唔捨得止蝕，所以自己諗清楚呀！

6) 這是最最最重要的一點！一定要跟從 point (1) – (4) 或其他自己 set 的止蝕定律！不要心存僥倖「這次可能唔同呢！」我話你知，每次都係一Q樣！！！唔聽昨日的我 set 落的止蝕定律，今天的我一定是輸面九成贏面一成！唔信就睇下自己手上的死蟹股再諗多次。